لاہور۔27نومبر(اے پی پی)وزیر اعظم دے معاون خصوصی قومی صحت ڈاکٹر فیصل سلطان آکھیے جو یو این دی ایڈز بارے رپورٹ دی سفارشات پاکستان تے ٻئے رکن ملکاں اچ ایچ آئی وی کوں روکݨ اچ مدد ݙیسن ۔ایڈز دے عالمی ݙینھ بارے ایڈز دی عالمی رپورٹ دے اجرا تے یو این ایڈز دے ایگزیکٹو ڈائریکٹر اتے ٻئے ملکاں دے نمائندیاں دی موجودگی ساݙے کیتے خوشی دا باعث اے،اساں یکم دسمبر کوں عالمی طور تے ایڈز دا ݙینھ منیسوں ۔ لاہور اچ ایچ آئی وی ایڈز کوں روکݨ سانڳے تقریب نال خطاب اچ ڈاکٹر فیصل سلطان آکھیا جو حکومت پاکستان پائیدار ترقی دے ایجنڈا 2030 اتے صحت تندرستی بارے اپݨے اہداف کیتے سنجیدگی نال کم کریندی پئی اے ۔ انہاں آکھیے جو حکومت یونیورسل ہیلتھ کوریج کوں یقینی بݨاوݨ کیتے موثر اقدامات یقینی بݨیندی پئی اے۔ بینفٹ پیکج اچ ایچ آئی وی نال زندگی بچاوݨ آلی خدمات وی شامل ہن۔ڈاکٹر فیصل سلطان آکھیے جو پیکج اچ ایچ آئی وی اتے ایں توں متاثرہ مریضاں سودھے ہر کہیں کوں ہر جاہ تے مسلسل خدمات دی فراہمی یقینی بݨائی ویسی۔
یواین دی ایڈز بارے رپورٹ دی سفارشات پاکستان تے ٻئے رکن ملکاں اچ ایچ آئی وی کوں روکݨ اچ مدد ݙیسن، ڈاکٹر فیصل سلطان
مضمون کا ماخذ : تھنڈرسٹرک II
متعلقہ مضامین
