ملتان ۔6دسمبر(اے پی پی) وزیرخارجہ مخدوم شاہ محمودقریشی آکھیا جو اپوزیشن دے جلسے دے موقع تے کنٹینرز لاوݨ اتے گرفتاریاں دی لوڑھ کائنا ہئی، پکر دھکڑ اچ میݙا کوئی کردار کائنی۔اپوزیشن کوں قلعہ قاسم باغ اچ جلسے دی موکل ہووݨی چاہیدی ہئی۔ اگر رکاوٹاں نہ پاتی ویندی تاں اتے اے جلسہ سٹیڈیم اچ تھیندا تاں انہاں دی قلعی کھل ویندی۔ جئیں وی اے جلسہ روکݨ دی کوشش کیتی اے اوں سیاسی شعور دا مظاہرہ نی کیتا۔ رضا ہال ملتان اچ میڈیا نال ڳالھ مہاڑ کریندیں ہوئیں وزیرخارجہ شاہ محمود قریشی آکھیا جو کہیں دی گرفتاری اچ میݙا کوئی کردار کائنی اتے ایں بارے الزام تراشیاں بے بنیاد ہن۔ میں سیاسی عمل تے یقین رکھینداں اتے اساں سیاسی انداز اچ اڳوں ودھݨ چاہندوں۔انہاں ٻا آکھیا جو وزیراعظم عمران خان وی جلسیاں اچ رکاوٹ پاوݨ دے حق اچ کائنی۔
مضمون کا ماخذ : میان میجک وائلڈ فائر
