اسلام آباد 08 جون (اے پي پي) د وزيراعظم د معيشت او توان سلاحكار بلال اظهر کياني وئيلي دي چې د نوي مالي كال په وفاقي بجټ كښې به معاشي استحكام لپاره د اصلاحاتو بنياد كېږدو چې ورسره به په هېواد كښې معاشي استحكام راشي٬ زراعت، انفارميشن ټيکنالوجي، د سرمايه کارۍ وده او كاروبار لپاره ښه ماحول برابرول د حكومت په لومړو ترجيحاتو كښې شامل دي، د تېر حكومت په دور كښې د نړۍ 24م لوے معيشت 47م پوزيشن ته رسولے شوې او ادارې كنګال كړې شوي۔ د زيارت په ورځ پرېس كنفرنس ته خپله وېنا كښې ده ووئيل نن چې هېواد په معاشي او سفارتي محاذ كومو ستونزو سره مخ دے دا د تېر حكومت د ناقصو پاليسو نتيجه ده، موجوده حکومت پخپله لنډه موده كښې معاشي او سفارتي حالات ښه كولو لپاره هڅې كړې دي٬ وړومبې حكومت آئي اېم اېف سره خبرې پېل كړې٬ تېر حكومت د آئي اېم اېف پروګرام چلولو كښې ناكامه شوې٬ كله چې پروګرام بيا پېل كېدو ته نزدې شو نو دوي ورته د زيان رسولو هڅې وكړې۔ ده ووئيل حكومت ترلاسه كولو سره مونږ له د زرمبادله پانګو كښې استحكام راوستل وو٬ د کسان پېکيج د لارې 1800 اربه روپۍ جاري كړې شوې٬ سږ كال 2 كروړه 72 لكه مېټرك ټن غنم شوي٬ زمونږ حكومت د نړۍ د نورو هېوادونو دورې كولو سره اړيكې بحال كړې٬ په كال 2022 كښې په سفارتي كچه زمونږ د تنها كولو هڅې وكړې شوې٬ مونږ د هېواد د دغه حالاتو نه د ويستلو هڅې كوٶ۔ ده ووئيل چې په كال 2018 كښې چې كله نون ليګ حكومت پرېښودو نو شرح نمو 6.1 فيصده وه٬ د ګرانۍ شرح دوه فيصده وه٬ نواز شريف لرې كولو سره چې څوك مسلط كړې شؤ اولس ته ئې اوس هم زيان رسي۔ د تېر دور په څلورو كالو كښې پرله پسې ګراني وه ٬ د دوه كروړه نه زيات خلق د غربت د كرښې نه لاندې شوي٬ اووه لكه خلق بې روزګاره شوي٬ د سي پېك پحقله معلومېږي چې دا د يوې منصوبې له مخې ايسار كړې شوې٬ تېر حكومت ناسم بجټ جوړ كړو٬ ادارو ته ئې زيان ورسولو٬ دلته يو تن كار لپاره چمتو نه ٶ٬ كاروباريانو په سستم باور نه لرلو٬ د نواز شريف په دور كښې د كال 18-2013 په مهال 14 زره مېګاٶاټ برېښنا په نظام كښې شامل كړې شوه۔ ده ووئيل د حکومتي اقداماتو له كبله اوس مونږ د ديواليه كېدو نه بچ شوې يو۔ ده ووئيل حكومت د سېلاب ځپليو مرسته كوي او په ځپلې سيمو كښې د بيا رغونې او بحالۍ په منصوبو كار كوي۔ ده ووئيل تر څو سياسي استحكام نه وي هېواد پرمختګ نشي كولې۔ ده ووئيل ځينې عناصر هڅې كوي چې د بهر نه كوم پوځي مرسته راځي ھغه بنده كړې شي۔ ده ووئيل په نوي بجټ كښې ځوانانو لپاره د يو لك لېپ ټاپ وركولو منصوبه لرو چې له مخې به ئې د آئي ټي په څانګه كښې بهتري راشي دغسې د كركيلي څانګې ته هم بشپړه پام كوٶ۔
د نوي مالي كال په وفاقي بجټ كښې به معاشي استحكام لپاره د اصلاحاتو بنياد كېږدو۔ بلال اظهر کياني
مضمون کا ماخذ : موبائل سے لاٹری کھیلیں
متعلقہ مضامین
.jpg)
