اسلام آباد۔8ستمبر(اے پی پی)??زی??اعظم عمران خان آکھیے جو کمپیوٹرائزڈ لینڈ ریکارڈ نال سرکاری اراضی اتے جنگلات تے قٻضہ روکیا ونڄ سڳسی، اے ٹیکنالوجی قبضہ مافیا کوں ݙکݨ دا ہتھیار اے، ڈیجیٹلائزیشن نال لوکاں کوں تحفظ ملسی، جائیداد ڳھنݨ ݙیوݨ کیتے شفافیت اتے سوکھ آسی، اوور سیز پاکستانی وی ٹیکنالوجی توں فیدہ چا سڳسن، لینڈ ریکارڈ دی ڈیجیٹلائزیشن نال ہر کوئی آپݨی جائیداد دا ریکارڈ ݙیکھ سڳسی اتے آن لائن ٹرانسفر تھیسن۔ اے ڳالھ ??زی??اعظم عمران خان اسلام آباد لینڈ ریکارڈ دی ڈیجیٹلائزیشن اتے کیڈسٹریل میپنگ دے افتتاح ویلھے آکھی۔ ??زی??اعظم دے وژن دے تحت پراݨے اراضی نظام کوں جدید ڈیجیٹل آن لائن نظام اچ وٹاوݨ کیتے کیڈسٹریل میپنگ منصوبے دے تحت سروے آف پاکستان جیوگرافک انفارمیشن سسٹم( جی آئی ایس) نال اسلام آباد کیپیٹل ٹیریٹری دی جدید ترین ڈیجیٹل نقش?? سازی مکمل کیتی اے۔ منصوبہ دے پہلے مرحلہ اچ 3 وݙے شہراں کراچی، لاہور اتے اسلام آباد دے ریونیو ریکارڈ دی ڈیجیٹلائزیشن اتے ملک دی سرکاری اراضی دا ڈیجیٹل ڈیٹا ٻݨایا ویسی جیندے نال پٹوار نظام اچ اصلاحات، ریکارڈ اچ ردو بدل مکاوݨ، اراضی ریکارڈ اچ شفافیت یقینی ٻݨاوݨا چ مدد ملیس۔ ??زی?? اعظم آکھیا جو ایں منصوبے اچ پرانے سسٹم نال جڑے عناصر اتے قبضہ مافیا دے رکاوٹ پاوݨ دا ݙر ہا، بھل منصوبہ ویلھے تے مکمل تھیوݨ تے چیئرمین سی ڈی اے اتے سروے آف پاکستان مبارکباد دے حقدار ہین، نویں کمپیوٹرائزڈ نظام نال لینڈ ریکارڈ اچ شفافیت آسی، سرمایہ کاری محفوظ کرݨ اچ وی مدد ملسی جو پراݨے لٹھا سسٹم اچ تبدیلی اتے قبضے سوکھے ہن، اسلام آباد، لاہور اتے کراچی اچ اے منصوبہ نومبر تئیں مکمل تھیسی اتے ایندے چھی مہینے بعد اے نظام پورے ملک اچ لاگو تھی ویسی، کیڈسٹریل میپنگ نال زمیناں، ??ہاڑی نالیاں اتے جنگلات تے قبضے مکاوݨ اچ مدد ملسی جیندے نال عام لوکاں کوں تحفظ اتے سوکھ ملسی۔
کمپیوٹرائزڈ لینڈ ریکارڈ نال سرکاری اراضی اتے جنگلات تے قٻضہ روکیا ونڄ سڳسی، اے ٹیکنالوجی قبضہ مافیا کوں ݙکݨ دا ہتھیار اے، وزیراعظم عمران خان
مضمون کا ماخذ : جوگوس ڈی لوٹیریا آن لائن
متعلقہ مضامین
