اسلام آباد۔6نومبر (اے پی پی) وزیر خارجہ مخدوم شاہ محمود قریشی آکھیا جو ملکی معیشت کوں درپیش چیلنجز تے ٻہوں جلدی قابو پا ڳھنسوں۔اے ڳالھ انہاں گورنر سٹیٹ بینک رضا باقر نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ملاقات اچ ملک دی اجوکی اقتصادی صورتحال سودھےاہم معاملیاں تے ڳالھ مہاڑ کیتی ڳئی۔گورنر اسٹیٹ بینک ‘ سٹیٹ بینک دی کارکردگی ، زرمبادلہ دی شرح اچ ودھارا اتے مالیاتی اشاریاں بارے وزیرخارجہ کوں بریفنگ ݙتی۔وزیرخارجہ آکھیا جو کورونا عالمی وبا پوری دنیا دی معیشت کوں متاثر کیتے۔کورونا پاروں پاکستان جیھے ترقی پذٰر تے محدود وسائل دے ملک معاشی طور تے متاثر تھین۔ انہاں آکھیا جو انشاء اللہ بہوں جلدی ملکی معیشت کوں درپیش چیلنجز تے قابو پاوݨ اچ کامیاب تھی ویسوں۔
مضمون کا ماخذ : raspadinha resultados
