اسلام آباد ۔ 26 مارچ (اے پی پی)وزیراعظم دے معاون خصوصی برائے صحت ڈاکٹر ظفرمرزا مشترکہ پریس کانفرنس اچ خطاب کریندے ہوئیں آکھیے جوایں ویلھے دنیا اچ کورونا دے کنفرم کیساں دی تعداد پونڑیں 5لکھ اے ،پاکستان اچ کورونا دے کنفرم کیسز دی تعداد 1102اے ۔ڈاکٹر ظفرمرزا آکھیے جو24گھنٹے اچ کورونا دے 102کیساں دا ودھارا تھئے ۔کورونا وائرس دے گلگت بلتستان اچ 25،سندھ اچ 417 کنفرم کیس ہن ۔ملک اچ 21مریض صحت یاب تھی گئن۔ معاون خصوصی صحت آکھیے جو575مریض ہسپتالاں اچ ہن 570مریضاں دی حالت بہتر اے ۔پاکستان اچ ہنڑ تئیں کورونا وائرس پاروں 8لوک جاں بحق تھئن ،5اپریل تئیں طبی عملے دے تحفظ متعلق اتنا سامان ہوسی جو کمی نہ آوے ۔5اپریل تئیں طبی عملے دے تحفظ متعلق صورت حال بہتر تھی ویسی ،طبی عملے دی ٹریننگ کیتے وی پروگرام ہک ڈیڈھ مہینے اچ شروع کریسوں ۔
مضمون کا ماخذ : نقدی پھٹنا
