اسلام آباد۔15اکتوبر (اے پی پی) قزاخستان دے وزیراعظم اوالژاس بیک تینوف شنگھائی تعاون تنظیم (ایس سی او) دے سربراہان حکومت دے اجلاس اچ شرکت کیتے منگل کوں پاکستان پڄ ڳئن۔ اسلام آباد انٹرنیشنل ایئرپورٹ تے وفاقی وزیر مواصلات تے نجکاری عبدالعلیم خان اتے ٻئے اعلیٰ حکام مزمان وزیراعظم دا پرتپاک ریڈ کارپٹ خیر مقدم کیتا۔ ایں موقع تے روایتی لباس پاتے ہوئیں ٻالاں انہاں کوں گلدستے پیش کیتے۔ قزاخستان دے وزیراعظم دی آمد دے موقع تے وفاقی وزیر نجکاری اتےمزمان وزیراعظم وچال خیرسگالی دے جملیاں دا تبادلہ وی تھیا۔ پاکستان اچ قزاخستان دے سفارتخانہ دے اعلیٰ سفارتی حکام وی ایں موقع تے موجود ہن۔ قزاخستان دے وزیراعظم دا دورہ پاکستان ݙوہیں ملکاں دی دوستی دے ودھارے اتے علاقائی تعاون اچ اہم قدم اے۔ ایس سی او اجلاس اچ عالمی رہنماواں دی شرکت نال علاقائی امن دی آس ودھ ڳئی اے۔
قزاخستان دے وزیراعظم ایس سی اواجلاس اچ شرکت کیتے پاکستان پڄ ڳئن
مضمون کا ماخذ : ولف گولڈ
متعلقہ مضامین
