اسلام آباد۔11اکتوبر(اے پی پی):وفاقی وزیر ہاؤسنگ اینڈ ورکس میاں ریاض حسین پیرزادہ وزارت اتے ایندے نال جڑیے محکمیں اچ سرکاری ریکارڈ دی ڈیجیٹلائزیشن دے عمل کوں وختی پورا نہ کرݨ تے کاوڑ کریندے ڈیجیٹلائزیشن اتے ای پورٹل فار این او سی دے جاری عمل کوں مقررہ ویلھے اچ پورا کرݨ دا الٹی میٹم ݙے ݙتا۔ جاری پریس ریلیز موجب وفاقی وزیر ہاؤسنگ اینڈ ورکس دی صدارت اچ وزارت اتے ایندے نال جڑیے محکمیں اچ ڈیجیٹلائزیشن اتے آٹومیشن دے جاری عمل اچ پیشرفت دا جائزہ گھنݨ سانڳے اجلاس تھئے ۔ سیکرٹری ہاؤسنگ اینڈ ورکس ڈاکٹر شہزاد خان بنگش اتے وزارت دے ٻئے اعلیٰ حکام تے عہدیدراں اجلاس اچ شرکت کیتی۔ ابتدائی بریفنگ اچ ڈیجیٹلائزیشن دے عمل اچ موجودہ مرحلے بارے وفاقی وزیر کوں ݙسایا ڳئے ۔ وفاقی وزیر تشویش کریندے گزریل چھی مہینے اچ اسٹیٹ آفس دی آٹومیشن اچ پیش رفت بارے سوال کیتا۔ انہاں انھاں سارے عناصر اتے خاص کر گروپس تے کاوڑ کیتی تے جو ایں ناگزیر تبدیلی دے رستے اچ رکاوٹ بݨیے پئن ، انھاں ان سارے لوکاں نال نبݨݨ سانڳے عزم دا اظہار کیتے جو اپݨے مفادات دی وجہ توں موجودہ حالات کوں سہارا ݙیندے پئن ۔ وفاقی وزیر کراچی سٹیٹ آفس دی حالت زار دا نوٹس ڳھدا جتھاں اڄوکی انکوائری اچ مینول ریکارڈ کوں مایوس کن حالت اچ پیسی جیں پروں ٹیکس وصولی دے معاملے اچ حکومت کوں وݙا ضیان تھیندے ۔ کراچی آفس، رولز آف بزنس 1973 دے تحت 2676.14 ایکڑ زمین دی 30 کوآپریٹو سوسائٹیاں نال ڈیل کریندے۔ وفاقی وزیر آٹومیشن دی لوڑھ تے زور ݙیندے مختلف محکمیں سانڳے اہداف وی مقرر کیتن۔انہاں سرکاری ریکارڈ دی ڈیجیٹلائزیشن اتے ای پورٹل فار این او سی دے جاری عمل کوں مقررہ وقت اچ مکمل کرݨ دا الٹی میٹم ݙتا۔ انھاں افسراں کوں آکھیے او کٹ آف تاریخاں دی سختی نال پابندی کرن نتاں او وزارت دے اندر اتلے عہدیں تے وی وݙی ردوبدل متعارف کراوݨ سانڳے پوری طرح قائل ہن۔
