حکومت صحت عامہ دی سہولتاں اچ ݙیکھ ٻھال دے معیار دی بہتری کتے عملی اقدامات کریندی پئی اے، ڈاکٹر ملک مختار احمد بھرتھ

APP43-280324 ISLAMABAD: March 28 – Coordinator to Prime Minister on National Health Services, Regulations and Coordination, Dr. Malik Mukhtar Ahmed Bharath, is assuming charge. APP/ABB

اسلام آباد۔2اکتوبر (اے پی پی) وزیرِاعظم دے کوآرڈینیٹر برائے قومی صحت ڈاکٹر ملک مختار احمد بھرتھ آکھیا جو حکومت صحت عامہ دی سہولتاں اچ ݙیکھ ٻھال دے معیار دی بہتری کتے عملی اقدامات کریندی پئی اے۔ ملکی آبادی اچ ودھاری دی بلند شرح 2.55 فیصد سالانہ صحت دی خدمات اتے سماجی ترقی کوں متاثر کریندی اے۔ اسقاط حمل دی خدمات خصوصی طور دیہاتی علاقیاں اچ پسماندہ آبادی کیتے چیلنجز ہن۔ وزارت صحت توں جاری بیان موجب اے ڳالھیں انہاں بدھ کوں تولیدی صحت بارے تھیوݨ آلی تقریب توں خطاب کریندیں ہوئیں آکھی۔ ڈاکٹر مختار احمد بھرتھ آکھیا جو حکومت صحت عامہ دی سہولتاں اچ ݙیکھ ٻھال دے معیار دی بہتری کتے عملی اقدامات کریندی پئی اے۔ڈاکٹر مختار بھرتھ آکھیا جو صحت دی نیتجے بہتر ٻݨاوݨ اتے پائیدار ترقی دے اہداف برائے 2030 ولوں قومی پیشرفت کوں اڳوں ودھاوݨ چاہندن۔ محفوظ اسقاط حمل، اسقاط حمل دے بعد دی ݙیکھ ٻھال اتے خاندانی منصوبہ بندی سودھے تولیدی صحت تے توجہ ݙیوݨ ٻہوں ضروری اے۔ رپورٹ موجب 2023 اچ 870,185 تریمتیں دا اسقاط حمل دے بعد تھیوݨ آلی پیچیدگیاں دا علاج کیتا ڳئے۔ انہاں آکھیا جو وزارت صحت صوبیاں اتے ٻئے شراکت داراں دے مشورے نال آبادی بارے موجودہ قومی ایکشن پلان (24-2019) تے نظر ثانی کیتی اے۔ آبادی تے نظرثانی شدہ قومی ایکشن پلان دا مقصد(30-2025) اہداف حاصل کرݨ اے۔

مضمون کا ماخذ : کمپیوٹر لاٹری کا جیک پاٹ