اسلام آباد۔25ستمبر (اے پی پی) صدر مملکت آصف علی زرداری آکھیا جو پاکستان محفوظ، پائیدار اتے ماحول دوست ٹرانسپورٹ نظام دے فروغ کیتے پرعزم اے اتے چین نال رَل تے کم کریسی جئیں نال امن اتے خوشحالی دا دور شروع تھیسی۔ ایوان صدر دے پریس ونگ توں بدھ کوں جاری بیان موجب صدرمملکت اے ڳالھیں بیجنگ اچ تھیوݨ آلے عالمی پائیدار ٹرانسپورٹ فورم2024 توں ویڈیو خطاب اچ آکھی۔ صدرمملکت آپݨے خطاب اچ اقوام متحدہ دے پائیدار ترقی دے اہداف دے فروغ اچ چین دے قائدانہ کردار دی تعریف کیتی۔ انہاں چین دے صدر شی چن پھنگ دی قیادت اچ چین دے قومی ترقی دے منصوبیاں دی وی تعریف کیتی۔ صدرمملکت حکومت ولوں کیتے ڳئے اقدامات دا ذکر کریندیں ہوئیں فورم کوں ݙسیا جو پاکستان تریمتیں کیتے خصوصی پنک بساں معتارف کرائن تانجو پبلک ٹرانسپورٹ دا محفوظ، آرام دہ اتے قابل رسائی طریقہ فراہم کیتا ونڄے۔ انہاں ایں ڳالھ تے زور ݙتا جو عوام دی لوڑھ پوری کرݨ کیتے موثر، ماحول دوست ٹرانسپورٹ کیتے پائیدار انفراسٹرکچر دی لوڑھ اے۔ انہاں پاکستان اچ دیہی علاقیاں دی سڑکاں تئیں رسائی 92 فیصد تئیں ودھ ڳئی اے۔ صدرمملکت آکھیا جو پاکستان کوں بنیادی ڈھانچے دی پائیدار ݙیکھ ٻھال اتے موسمیاتی تبدیلی دے چیلنجز ہن۔ گزریل پںج سالیں اچ چھل، شدید بارشاں سودھے موسمی حالات پاکستان دے ٹرانسپورٹ انفراسٹرکچر دا نقصان کیتے۔ صدرمملکت آکھیا جو پاکستان رکن ملکاں دی ٹرانسپورٹ انتظامیہ وچال پائیدار ٹرانسپورٹ تعاون دا حمایتی اے۔
پاکستان محفوظ، پائیدار اتے ماحول دوست ٹرانسپورٹ نظام دے فروغ کیتے پرعزم اے،صدر مملکت آصف علی زرداری
مضمون کا ماخذ : ڈاگ ہاؤس
متعلقہ مضامین
