لندن۔23ستمبر (اے پی پی) وزیراعظم محمد شہباز شریف آکھیا جو پاکستان اتے سعودی عرب وچال دینی اتے ثقافتی تاریخی تعلقات ہن۔ پاکستان اتے سعودی عرب ہر اوکھ اچ ہک ݙوجھے نال تھیے۔ پاکستان دی معیشت دے اڄوکے استحکام اچ تعاون کیتے پوری قوم سعودی عرب دا شکریہ ادا کریندی اے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم سعودی عرب دے 94 ویں قومی ݙینھ تے مبارخ ݙیندیں ہوئیں آکھیا جو شاہ سلمان بن عبد العزیز اتے شہزادہ محمد بن سلمان دی قیادت اچ سعودی عرب اکویویں صدی دے عظیم ملک دی حیثیت نال ابھریے۔ سعودی عرب دا وژن 2030 دنیاکیتے مثال اے۔ اڄ دے دور اچ سعودی عرب کاروبار، ٹیکنالوجی، معیشت اتے ٻئے شعبیاں اچ ترقی پذیر ملکاں دی مثالی قیادت کریندا پئے۔ وزیراعظم آکھیا جو پاکستان اتے سعودی عرب وچال دینی اتے ثقافتی تاریخی تعلقات ہن۔ پاکستان اتے سعودی عرب وچال برادرانہ تعلقات انشاء اللہ قائم رہسن۔
پاکستان اتے سعودی عرب وچال دینی اتے ثقافتی تاریخی تعلقات ہن، وزیراعظم شہبازشریف دا سعودی عرب دے قومی ݙینھ تے تہنیتی سنیھا
مضمون کا ماخذ : سشی ایکسپریس
متعلقہ مضامین
