اسلام آباد۔22ستمبر(اے پی پی) وزیراعظم محمد شہباز شریف ایران اچ کولیں دی کان اچ دھماکے توں تھیوݨ آلے ضیان تے ݙکھ تے افسوس کیتے ۔ وزیر اعظم آفس دے پریس ونگ موجب وزیراعظم محمد شہباز شریف پاکستان دی عوام اتے حکومت دی طرفوں ایران دے عوام اتے حکومت سانڳے ہمدردی اتے یکجہتی دا سنھیا ݙتے ۔ وزیراعظم جاں بحق لوکاں دے اُچے درجات سانڳے دعا منگی تے انھاں دے گھرآلیں نال تعزیت کیتی۔ وزیراعظم حادثے اچ زخمی تھیوݨ آلیں دی وختی صحت سانڳے دعا منگی تے آکھیے جو ݙکھے ویلھے ایران دی حکومت تے عوام دے رلے کھڑوں ۔ ایں توں انڄ وزیراعظم محمد شہباز شریف سماجی رابطے دی ویب سائٹ ایکس تے آپݨی پوسٹ اچ ایرانی صدر ڈاکٹر مسعود پزشکیان اتے ایران دے عوام نال ایران اچ کولیں دی کان اچ دھماکے توں تھیوݨ آلے قیمتی جانی ضیان تے زخمی تھیوݨ تے دلی تعزیت کیتی تے آکھیے جو ساݙیاں ہمدردیاں تے دعاواں متاثرہ لوکاں دے پسماندگان دے نال ہن ، پاکستان اوکھے ویلھے آپݨے ایرانی بھراویں دے رلے کھڑے
