مکہ مکرمہ۔30اپریل (اے پی پی):وزیرِ اعظم محمد شہباز شریف پاکستانی وفد دے رلے عمرہ دی سعادت حاصل کیتی تے پاکستان دی ترقی وخوشحالی کیتے خصوصی دعا کیتی،وزیراعظم کیتے خانہ کعبہ دے دروازے کھول ݙتے ڳئے۔وزیر اعظم آفس میڈیا ونگ توں جاری بیان موجب عمرہ دے دوران وزیراعظم شہباز شریف زیارتِ خاص دے بعد حجرِ اسود کوں چمیا تے طوافِ کعبہ کیتا تے ملک دی ترقی،خوشحالی اتے سلامتی کیتے خصوصی دعا کیتی،ترائے ݙینھ وار سعودی عرب دے دورہ دے موقع تے ہفتے کوں عمرہ دی ادائیگی دے دوران وزیرِ اعظم شہباز شریف زیارتِ خاص اتے طوافِ کعبہ دی ادائیگی دے بعد صفہ اتے مروہ دے درمیان سعی کیتی۔وزیرِ اعظم سعیِ صفہ و مروہ دی ادائیگی دے نال ہی عمرہ دی تکمیل دے بعد ملک و قوم اتے مسلم اُمہ دی سلامتی اتے پاکستان دی ترقی و خوشحالی کیتے دعاواں کیتیاں ۔وزیر اعظم ترائے ݙینھ وار دورہ سعودی عرب دے دوران مدینہ منورہ اتے جدہ اچ ݙو ݙینھ گزارݨ دے بعد ہفتے کوں عمرہ دی سعادت حاصل کرݨ کیتے مکہ مکرمہ روانہ تھئے تے وفد دے رلے عمرہ ادا کیتے۔وزیر اعظم مدینہ منورہ اچ قیام دے دوران ݙو واری رسول صلی اللہ و علیہ وسلم تے حاضری ݙتی ، ریاض الجنتہ اچ نفل پڑھیے، جمعتہ الوداع دی نماز مسجد نبوی اچ ادا کیتی، ملکی سلامتی، ترقی اتے سماجی خوشحالی کیتے دعاواں منگیاں۔جدہ اچ وزیر اعظم سعودی عرب دے ولی عہد شہزادہ محمد بن سلمان بن عبدالعزیز نال اہم ملاقات کیتی، جیں ݙو ݙوہیں ملکاں دے درمیان اقتصادی و تجارتی رابطے کوں ودھاوݨ تے سرمایہ کاری کوں ودھارا ݙیوݨ دے علاوہ سعودی عرب اچ پاکستانی افرادی قوت کیتے روزگار دے ودھ توں ودھ موقع پیدا کرݨ دے حوالے نال ڳالھ مہاڑ تھئی ۔وفاقی وزراء بلاول بھٹو زرداری، مفتاح اسماعیل، نوبزادہ شاہزین بگٹی، مریم اورنگزیب، خواجہ محمدآصف، احسن اقبال، چوہدری سالک حسین، ڈاکٹر خالد مقبول صدیقی، محسن داوڑ اتے مولانا طاہر اشرفی وی وزیرِ اعظم دے رلے ہن، منصب وزارت عظمیٰ سنبھالݨ دے بعد وزیراعظم دا اے پہلا غیر ملکی دورہ اے۔
وزیرِ اعظم محمد شہباز شریف پاکستانی وفد دے رلے عمرہ دی سعادت حاصل کیتی،پاکستان دی ترقی وخوشحالی کیتے خصوصی دعا کیتی،وزیراعظم کیتے خانہ کعبہ دے دروازے کھول ݙتے ڳئے
مضمون کا ماخذ : estatisticas lotomania
متعلقہ مضامین
