اسلام آباد۔13جنوری (اے پی پی):وفاقی وزیر اطلاعات و نشریات چوہدری فواد حسین لاہور پریس کلب دے انتخابات اچ نویں منتخب عہدیداران کوں مبارخ ݙیندے ہوئیں آکھیے جو حکومت آزادی اظہار رائے تے کامل یقین رکھیندی اے ، آزادی اظہار رائے دے نال نال ملک اچ ذمہ دارانہ صحافت دے ودھارے دی لوڑھ اے ، حکومت صحافیاں کوں صحت دیاں سہولتاں ݙیوݨ کیتے پرعزم اے، صحافی برادری کوں ترجیحی بنیاداں تے صحت کارڈ ݙتے ویسن اے ڳال انہاں خمیس کوں آپݨے ھک بیان اچ آکھی اے ۔ وفاقی وزیر اطلاعات لاہور پریس کلب دے انتخابات اچ اعظم چوہدری کوں صدر، سلیمان قریشی اتے ناصرہ عتیق کوں نائب صدور، عبدالمجید ساجد کوں سیکرٹری، سالک نواز کوں جوائنٹ سیکرٹری، شیراز حسنات کوں فنانس سیکرٹری منتخب تھیوݨ تے اتے نویں منتخب ارکان کوں گورننگ باڈی کوں مبارخ ݙتی اے ۔ انہاں آکھیے جو صحافیاں دے اجتماعی اتے انفرادی مسئلیں دے حل کتیے ہر ممکن کوششاں جاری رکھیسوں ، میڈیا صنعت کوں درپیش مسئلیں تے انہاں دے حل کیتے شفاف اتے پائیدار پالیسی تے عمل کریندے پیوں ۔ چوہدری فواد حسین آکھیے جو صحافی معاشرے دے مسئلیں کوں اجاگر کریندن ، میڈیا دی نشاندہی تے ہی حکومت مسئلیں دے حل اچ آپݨا کردار ادا کریندی اے ۔ انہاں ایں امید دا اظہار کیتے جو صحافیاں دی نویں منتخب قیادت اپݨے پیشے اتے ساتھی صحافیاں دے مسئلیں دے حل کیتے مثبت کردار ادا کریسی ۔
آزادی اظہار رائے دے نال نال ذمہ دارانہ صحافت دے ودھارے دی لوڑھ اے ، وفاقی وزیر اطلاعات چوہدری فواد حسین دی لاہور پریس کلب دے نویں منتخب عہدیداران کوں مبارخ
مضمون کا ماخذ : ہرکیولس اور پیگاسس
متعلقہ مضامین
