اسلام آباد۔15نومبر(اے پی پی)وفاقی وزیر اطلاعات و نشریات چوہدری فواد حسین آکھیے جو عدلیہ تے حملے، ججاں تے الزامات، ویڈیوز ٻݨاوݨ دی تاریخ اے، اتحادیاں وزیراعظم اتے پی ٹی آئی تے اعتماد کیتے، میڈیا اچ ایڈیٹوریل چیک ہووݨ لازمی اے۔ اے ڳالھ انہاں اسلام آباد اچ وزیر داخلہ شیخ رشید احمد اتے معاون خصوصی شہباز گل نال میڈیا نال الیندے آکھی۔ چوہدری فواد حسین گلگت بلتستان دے سابق چیف جسٹس رانا شمیم دے الزامات تے الیندے آکھیا جو اے وݙا لطیفہ اے جو چیف جسٹس آف پاکستان چیف جسٹس چاہ پیندے جج کوں فون کرݙتے، کہیں جج دا ناں ڳھن تے اخبار دی سرخی مار ݙتی بھل چیک نئیں کیتا جو جج بینچ دا حصہ وی ہے یا کائنا؟ اینڄھی خبر بغیر ایڈیٹوریل دی کیویں لڳ سڳدی اے؟ وفاقی وزیر اطلاعات چیف جسٹس اسلام آباد ہائیکورٹ دے سوموٹو دا خیرمقدم کریندے آکھیے جو عدالت کوں ن لیگ دے شاہد خاقان عباسی اتے خواجہ آصف کوں وی سکینڈل ٻݨاوݨ دی کوشش تے سوموٹو نوٹس اچ سݙے۔ انہاں آکھیا جو حکومتی اتحادی جماعتاں جی ڈی اے، ایم کیو ایم، مسلم لیگ (ق)، بلوچستان عوامی پارٹی سودھا سارے حمایتیاں وزیراعظم نال ملین اتے اعتماد کیتے اتے اپرلیمنٹ دے مشترکہ اجلاس اچ حمایت دا یقین ݙیوائے اتے اہم فیصلے کیتن۔
عدلیہ تے حملے، ججاں تے الزامات، ویڈیوز ٻݨاوݨ دی تاریخ اے، اتحادیاں وزیراعظم اتے پی ٹی آئی تے اعتماد کیتے، وفاقی وزیر اطلاعات و نشریات چوہدری فواد حسین
مضمون کا ماخذ : اسکریچ کارڈ نمبر
متعلقہ مضامین
