اسلام آباد۔20جولائی (اے پی پی):ڈاکٹر ثانیہ آکھیے جو، ڈیجیٹل ہنر پروگرام توں تربیت یافتہ لوکاں دی نہ صرف نویں ڈیجیٹل مہارتاں سکھݨ اچ مدد کیتی ویسی بلکہ انہاں کوں ملازمت دے اعتبار نال وی تیار کیتا ویسی ، اساں بورڈ دی منظوری کیتے پروگرام کوں ڈیزائن کرݨ دے چھیکڑی مرحلے اچ ہن ، توقع اے جو احساس ڈیجیٹل ہنر مارکیٹ اچ مہارت اتے سو فیصد روزگار دے نال 3 توں 6 مہینے دے ورچوئل پروگرام فراہم کریسی ، اے ڳال انہاں احساس ڈیجیٹل ہنر پروگرام متعلق احساس دی ٹیکنالوجی ٹیم دے اجلاس اچ آکھی اے ۔احساس ڈیجیٹل ہنر پروگرام دا مقصد پسماندہ نینگراں کوں ڈیجیٹل مہارت دے ذریعہ بااختیار بݨاوݨ اے ، تاں جو انہاں کوں ملازمت کیتے تیار کیتا ونڄ سڳے ۔ توقع کیتی ویندی پئی اے جو ایں پروگرام دے تحت 25 ہزار نینگراں کوں احساس ایکو سسٹم توں تربیت ݙتی ویسی ۔ پاکستان دا شمار انہاں ملکاں اچ تھیندے جنہاں اچ نینگر آبادی دی شرح زیادہ اے۔ پچھلی مردم شماری دے مطابق ، ملک دی 60 فیصد آبادی دی عمر35 سال توں گھٹ اے ۔ نیز ، ہائیر ایجوکیشن کمیشن دے اندازیں دے مطابق ، اساں ہر سال 5 لکھ گریجویٹس تیار کریندے پیوں ۔وبائی امراض ڈیجیٹل مہارت دی وسیع پیمانے تے طلب پیدا کرݙتی اے ۔
ڈیجیٹل ہنر پروگرام توں نویں ڈیجیٹل مہارت سکھݨ اچ تربیت یافتہ لوکاں دی مدد کیتی ویسی، ڈاکٹر ثانیہ نشتر دا اجلاس توں خطاب
مضمون کا ماخذ : سانتا کا سرپرائز
متعلقہ مضامین
