اسلام آباد۔28جون(اے پی پی)صدر مملکت ڈاکٹر عارف علوی آکھیے جو جدید آلات توں فیدہ چیندے ہوئے مگس باناں دی جدید تربیت کر تے پاکستان اچ شہد دی پیداوار ودھاوݨ دی لوڑھ اے، نوجوان محدود سرمایہ کاری نال مگس بانی اتے شہد دا کاروبار شروع کرسڳدن۔ اے ڳالھ انہاں ایوان صدر اچ مگس بانی بارے جائزہ اجلاس دی اڳواݨی کریندے آکھی۔ اجلاس اچ وزیراعظم دے معاون خصوصی برائے امور نوجوانان عثمان ڈار، چیئرمین پاکستان زرعی تحقیقاتی کونسل ڈاکٹر محمد عظیم خان، صدر آل پاکستان مگس بان و ہنی ڈیلرز ایسوسی ایشن نعیم قریشی، سیکرٹری جنرل نوروز خان، وزارت موسمیاتی تبدیلی، وزارت غذائی تحفظ و تحقیق، وزارت تجارت اتے وزارت خزانہ دے سینئر حکام شرکت کیتی۔ صدر آکھیا جو ملکی آب و ہوا اتے نباتات مگس بانی کیتے سازگار ہین، ایں شعبے اچ زرمبادلہ کماوݨ اتے نوجواناں کوں روزگار ݙیوݨ دی وݙی صلاحیت اے، حکومت کامیاب جوان پروگرام دے تحت نوجوان کاروباری طبقے دی حوصلہ افزائی کریندی پئی اے اتے نینگراں کوں 5 لکھ روپے تئیں بلاسود قرض ݙتا ویندا پئے۔
جدید آلات اتے مکھی پال لوکاں دی جدید تربیت کر تے شہد دی پیداوار ودھاوݨ دی لوڑھ اے، صدر مملکت ڈاکٹر عارف علوی
مضمون کا ماخذ : raspadinha resultados
متعلقہ مضامین
