اسلام آباد۔23جون (اے پی پی):وزیر خارجہ مخدوم شاہ محمود قریشی آکھیے جو ایف اے ٹی ایف دے حوالے نال پاکستان تکنیکی لوازمات پورے کر چکے ،مزید گرے لسٹ اچ رکھݨ دا کوئی جواز باقی نی رہندا ۔بدھ کوں ایف اے ٹی ایف بارے آپݨے ھک بیان اچ وزیر خارجہ آکھیے جو ایف اے ٹی ایف ھک ٹیکنیکل فورم اے، ایف اے ٹی ایف بارے پاکستان تکنیکی لوازمات پورے کرچکے ۔ شاہ محمود قریشی آکھیے جو اساکوں 27 ایکشن آئٹمز ݙتے ڳئے جیں اچوں 26 تے کم مکمل کرڳھدے جݙاں جو 27 ویں نکتے تے وی ڈھڳ کم تھی ڳئے ، ایں صورت حال اچ پاکستان کوں گرے لسٹ اچ رکھݨ دا کوئی جواز باقی نی رہندا ۔ وزیر خارجہ آکھیے جے پاکستان تے محض ھک تلوار لٹکاوݨ مقصود اے تاں اے ٻئی ڳال اے ۔ ݙیکھدوں جو پلیمری اجلاس اچ کیا فیصلہ تھیندے ۔وزیرخارجہ آکھیے بھارت ایں فورم کوں سیاسی مقاصد کیتے استعمال کرݨ چاہندے ، بھارت کوں ایں فورم دے سیاسی استعمال دی اجازت نی ملݨی چاہیدی ۔ شاہ محمود قریشی آکھیے جو پاکستان کوں مزید گرے لسٹ اچ رکھݨ نامناسب ہوسی ،پاکستان عالمی رائے اتے قومی مفاد کوں سامݨے رکھیندے ہوئیں اہم فیصلے کیتے تے ٻئے ملکاں کوں اعتماد اچ ڳھدا جݙاں جو وزیر اعظم عمران خان اپݨی سطح تے مختلف ملکاں دی قیادت نال رابطے کیتے ،جیڑھی قانون سازی درکار ہئی او اساں کیتی اے ۔وزیر خارجہ آکھے پاکستان منی لانڈرنگ تے دہشت گردی دی مالی معاونت روکݨ کیتے پکے اقدامات کیتے۔ مخدوم شاہ محمود قریشی آکھیے گرے لسٹ دا تحفہ اساکوں ورثے اچ ملیے ،اساݙی حکومت آوݨ توں پہلے پاکستان گرے لسٹ اچ ڳیا ہئی پیا، تاں جو اساں پاکستان کوں گرے لسٹ توں کڈھݨ کیتے ہر ممکن کوشش کیتی ۔مخدوم شاہ محمود قریشی آکھیے جو اڄ دنیا وی من ڳئی اے جو ایجھے پکے اقدامات ، پاکستان اچ پہلے کہیں حکومت نی کیتے ۔وزیر خارجہ آکھیے میݙی پاکستان ایکشن پلان تے مکمل عملدرآمد کرڳھدے ۔
ایف اے ٹی ایف بارے پاکستان تکنیکی لوازمات پورے کر ڳھدن ،مزید گرے لسٹ اچ رکھݨ دا کوئی جواز باقی نی رہندا ،وزیر خارجہ مخدوم شاہ محمود قریشی
مضمون کا ماخذ : لاٹری کی پیشن گوئی
متعلقہ مضامین
