اسلام آباد۔18مئی (اے پی پی):وفاقی وزیراطلاعات چوہدری فواد حسین وزیر مملکت اطلاعات و نشریات فرخ حبیب دے رلے ریڈیو پاکستان دا دورہ کیتے جتھاں ڈائریکٹرر جنرل ریڈیو پاکستان عنبرین جان ولوں وزیر اطلاعات و نشریات چوہدری فواد حسین اتے وزیر مملکت فرخ حبیب کوں ریڈیو دی ورکنگ اتے پوڈ کاسٹ پروگرام دے حوالے نال تفصیلی بریفنگ ݙتی ڳئی ۔ وفاقی وزیر اطلاعات ونشریات چوہدری فواد حسین آکھیے جو ریڈیو پاکستان کوں عصر حاضر دے جدید تقاضیں توں ہم آہنگ کرݨ دی لوڑھ اے ،پوری دنیا اچ ملکی تشخص اتے قومی بیانئے کوں اجاگر کرݨ اچ ریڈیو پاکستان دا کلیدی کردار اے۔ انہاں آکھیے جو ریڈیو پاکستان کوں جدید خطوط تے استوار کرݨ پاکستان تحریک انصاف دی حکومت دی اولین ترجیح اے ۔ پوڈ کاسٹ پروگرام دے وختی اجراء دے حوالے نال ریڈیو پاکستان دی انتظامیہ اتے محنتی کارکنان دیاں کوششاں دی تعریف کرینداں ۔ پوڈ کاسٹ پروگرام ریڈیو اچ جدت دی علامت بݨ تے ابھرسی ، ریڈیو دی آوازعام آدمی سودھے رائے عامہ ہموار کرݨ آلے تجزیہ نگاراں تے معاشرے دے سارے طبقات تئیں موثر انداز اچ پڄسی ۔ ریڈیو حکام دی وزیر اطلاعات کوں ڈی آر ایم منصوبے تے تفصیلی بریفنگ ݙتی ڳئی۔ وفاقی وزیر چوہدری فواد حسین آکھیا جو ڈی آر ایم ریڈیو پاکستان کوں ٹیکنالوجی دے جدید تقاضیں نال ہم آہنگ کرݨ اچ معاون ثابت تھیسی ۔ریڈیو پاکستان دے ملازمین کوں وزیر اعظم دے ہائوسنگ پروگرام اچ رلاوݨ دی تجویز زیر غور اے ۔
وفاقی وزیراطلاعات چوہدری فواد حسین دا وزیر مملکت اطلاعات و نشریات فرخ حبیب دے رلے ریڈیو پاکستان دا دورہ
مضمون کا ماخذ : sorteos میگا سینا
متعلقہ مضامین
