اسلام آباد۔29اپریل(اے پی پی)وزیر اعظم عمران خان آکھیے جو 90 لکھ پاکستانی تارکین وطن ساݙا ترکہ ہین، سعودی عرب اچ پاکستانی سفارتخانہ اتے سفیر دا تارکین وطن دا خیال نہ رکھݨ اتےرشوت دی شکایات دی تحقیقات کروا تے سخت کارروائی کریسوں، اوکھ اچ بیرون ملک توں ٹکٹکا وطن بھیجݨ آلے تارکین وطن ساݙے محسن ہین، ساݙے سفارتخانیاں کوں اپݨے تارکین وطن دا ودھ خیال اتے احساس کرݨا چاہیدے۔ اے ڳالھ وزیراعظم اسلام آباد اچ روشن ڈیجیٹل اکائونٹ دی تقریب نال خطاب اچ آکھی جو روشن ڈیجیٹل اکائونٹ ڳھٹ مدت اچ ہک ارب ڈالر دا اہم سنگ میل پار کیتے، ایکوں اڳو تے ٹورݨ اتے تارکین وطن کیتے روشن ڈیجیٹل کار اتے سماجی خدمت وی کامیاب تھیسن۔ انہاں آکھیا جیکر اساں نوے لکھ پاکستانیاں اچوں 20 لکھ تئیں وی پڄ ڳئے تآں اے اکائونٹ ٻیا تکڑا تھی ویسی، ایندے کیتے وزیرخزانہ شوکت ترین دی مارکیٹنگ دے شعبہ اچ مہارت توں فیدہ چیسوں۔ انہاں آکھیا جو برآمدات تے عدم توجہ، طویل المدتی منصوبہ بندی نہ ہووݨ اتے ڈالر دی مسلسل کمی پاروں ساکوں ہر ویلھے عالمی مالیاتی فنڈ دے اڳو ٹھوٹھا چاوݨا پوندے، جے تئیں ساݙیاں برآمدات نئیں ودھدیاں اوورسیز پاکستانیاں تے انحصار کرݨا ہوسی۔ انہاں آکھیا جو تعمیراتی شعبہ اچ بہتری آئی اے، ہک سال اچ ریکارڈ ترسیلات زر آئن اتے پچھلے سارے ریکارڈ ترٹ ڳین حالی وی ایندے تے ٻئی توجہ ݙیوݨی ہوسی، روشن ڈیجیٹل اہم پروگرام اے جیندے کیتے ہتھ ونݙاوݨ تے بنکاں دے مشکور ہیں۔
نوے لکھ پاکستانی تارکین وطن ساݙا ترکہ ہین، وزیر اعظم عمران خان دا روشن ڈیجیٹل اکائونٹ دی تقریب نال خطاب
مضمون کا ماخذ : ماہی گیری کا جنون
متعلقہ مضامین
