اندرلے سندھ دی عوام سانڳے 446 ارب روپے دے پیکیج تے عملدرآمد ہک مہینے اچ نظر امسی، نینگراں کوں کاروبار سانڳے سود دے بغیر قرضہ ݙتا ویسی، سندھ حکومت نواں شہر بݨاوݨ دے منصوبے دا این او سی کینسل کرݨ دے فیصلے تے نظر ثانی کرے، وزیراعظم عمران خان

سکھر۔16اپریل (اے پی پی) وزیراعظم عمران خان آکھیا جو اندرون سندھ سانڳے پوری تیاری نال ہک وݙا پیکیج گھن کراہیں آئے ہیسے، اندرون سندھ دے لوک ترقی اچ پچھوں رہ ڳئن، انتخابات اچ پنجاب اچ ہک وݙے مافیا نال مقابلہ ہئی ایں سانڳے اندرون سندھ تے ودھ توجہ نی ݙے سڳیا، اندرلے سندھ دی عوام سانڳے 446 ارب روپے دے پیکیج تے عملدرآمد ہک مہینے اچ نظر امسی، نینگراں کوں کاروبار سانڳے سود دے بغیر قرضہ ݙتا ویسی، سندھ حکومت نواں شہر بݨاوݨ دے منصوبے دا این او سی کینسل کرݨ دے فیصلے تے نظر ثانی کرے۔سکھر حیدر آباد موٹر وے، نئی گج ڈیم دی تعمیر نال علاقے کوں وݙا فائدہ تھیسی، احساس ایمرجنسی کیش پروگرام دا دائرہ ہک کروڑ 20 لکھ ٹبراں تئیں ودھیسوں، پسماندہ علاقے اتے نچلے طبقیاں کوں اٹھاوݨ دی کوشش کریندے پیوں۔ اے ڳالھیں انہاں جمعے کوں اتھاں سندھ دے 14 ترجیحی ضلعیاں سانڳے 446 ارب روپے دے میگا ترقیاتی منصوبے دے تحت کامیاب نوجوان پروگرام دی تقریب نال خطاب کریندیں ہوئیں آکھی۔ ایں موقع تے گورنر سندھ عمرا ن اسماعیل، وفاقی وزرا اسد عمر ، ڈاکٹر فہمیدہ مرزا، شاہ محمود قریشی، سید علی حیدر زیدی، محمد میاں سومرو، معاون خصوصی ڈاکٹر ثانیہ نشتر اتے عثما ن ڈار وی موجود ہن۔ وزیراعظم عمران خان آکھیا جو انہاں اڄ اندرون سندھ آ کراہیں ٻہوں خؤشی تھئی اے۔وزیراعظم عمران خان آکھیا جو اساݙی حکومت آئی تاں ملک تے تاریخ دا ساریاں توں وݙا قرضہ چڑھیا ہوئیا ہئی، اݙھائی سالیں اچ اساں 35 ہزار ارب دی رقم دی قسطاں اچ ادائیگی کیتی اے، ن لیگ اݙھائی سالیں اچ 20 ہزار ارب روپے دا قرضہ واپس کیتا ہئی۔ اگر اساں اے پیسہ سڑکاں، سکولاں، ہسپتالاں ،آبشاشی دے نظام اتے انفراسٹرکچر کوں بہتر کرݨ اچ خرچ کریندے تاں ملک کتھاں چلیاں ویندا۔ وزیراعظم آکھیا جو اندرون سندھ دی عوام سانڳے 446 ارب روپے دا پیکیج وݙی اوکھ اچ بݨائے۔ پوری تیاری نال سندھ سانڳے پیکیج گھن کراہیں آئے ہیسے۔ انہاں آکھیا جو نینگراں کوں ہنر مند بݨاوݨ سانڳے وݙی رقم مختص کیتی اے۔ اساݙی کوشش اے جو نینگراں کوں آپݨے پیراں تے کھڑا کروں۔ وزیراعظم آکھیا جو نیوزی لینڈ دی آبادی صرف 50 ، 60 لکھ اتے پاکستان دی 22 کروڑ اے جڈانجو نیوزی لینڈ اچ پاکستان توں ودھ کھیڈ دے میدان اچ کیونجو اساݙے نینگراں کوں صلاحیتاں دے اظہار دے مناسب موقع نی ملدے۔ 18 ویں ترمیم دے بعد وفاق توں سارا پیسہ صوبیاں کوں ویندے پیا۔ دفاع اتے قرضے اتے سود دی ادائیگی دے بعد وفاق ݙے پیسہ نی بچدا اتے قرضے گھن کراہیں ملک چلایا ویندے۔ وفاقی ایں پیکیج سانڳے پیسہ خود ݙیندا پئے۔ اے ذمہ واری صوبیاں دی اے پر وفاقی حکومت آپݨٰی پوری کوشش کریسی۔ سکھر حیدر آباد موٹر وے بݨݨ نال ٻہوں فائدہ، کاروبار اتے تجارت ودھسی۔ وزیراعظم آکھیا جو جو اندرون سندھ سانڳے پوری تیاری نال ہک وݙا پیکیج گھن کراہیں آئے ہیسے، اندرون سندھ دے لوک ترقی اچ پچھوں رہ ڳئن، انتخابات اچ پنجاب اچ ہک وݙے مافیا نال مقابلہ ہئی ایں سانڳے اندرون سندھ تے ودھ توجہ نی ݙے سڳیا، اندرلے سندھ دی عوام سانڳے 446 ارب روپے دے پیکیج تے عملدرآمد ہک مہینے اچ نظر امسی، نینگراں کوں کاروبار سانڳے سود دے بغیر قرضہ ݙتا ویسی، سندھ حکومت نواں شہر بݨاوݨ دے منصوبے دا این او سی کینسل کرݨ دے فیصلے تے نظر ثانی کرے۔