اسلام آباد ۔ 11 جون (اے پی پی)وزیراعظم عمران خان آکھیے جو پاکستان ریلویز کوں خسارے توں کڈھ تے منافع بخش ادارہ بنڑاونڑ ترجیح اے،ادارے دی تنظیم نوکیتی ویسی،ایندی تنظیم نو اتے حقیقی تبدیلی دا عملا وں ویلے پورا تھیسی جڈاں عوام آپ ایندے اچ محسوس کریسن اتے ایندے توں فیدہ چیسن،ریلوے دی تنظیم نو ایم ایل ون منصوبے دے تناظر اچ کیتی ونجے اتے مسافراں کوں در تے ٹکت ڈیونڑ دا انتظام کیتا ونجے۔اے گالھ انہاں پاکستان ریلویز دی تنظیم نوااچ پیشرفت دے جائزہ اجلاس اچ کیتی۔اجلاس اچ وفاقی وزیرِ منصوبہ بندی اسد عمر، وفاقی وزیرِ اطلاعات و نشریات سینیٹر شبلی فراز، معاون خصوصی لیفٹیننٹ جنرل (ر) عاصم سلیم باجوہ، معاون خصوصی برائے ادارہ جاتی اصلاحات ڈاکٹر عشرت حسین، سیکرٹری ریلویز و دیگر سینیئر افسران وی موجود ہن۔سیکرٹری ریلویز پاکستان ریلویز دی تنظیم نو، ادارے اچ آٹومیشن و ڈیجیٹلائزیشن، پاکستان ریلویز دے اثاثاں دا بہتر انتظام، ایم ایل۔ون منصوبے اچ پیشرفت، ریلوے اچ نجی شعبے دی شمولیت اتے خصوصاً نجی شعبے دی شراکت نال پبلک سیکٹر ڈویلپمنٹ پروگرام (پلس)سانگے مجوزہ منصوبیاں تے بریفنگ ڈتی۔انہاں پاکستان ریلویز ولوں ٹرین ہسپتال، ملک دے سارے ریلوے سٹیشناں تے ایس او پیز تے سختی نال عمل،انتظامی اقدامات ،مسافراں دے سوکھ کیتے ای ٹکٹنگ نظام،60 فیصد آن لائن بکنگ نظام اتے شفافیت بارے ڈصایا۔ انہاں ریلوے کوں منافع بخش بنڑاونڑ کیتے نجی ساجھے داری ،بیاں ٹرینان نجی شعبیاں کوں ڈیونڑ سودھا، اثاثیاں توں مالی فیدہ چاونڑ کیتے 25اثاثیاں دی نشاندہی دا ڈسای جو ایندے تے ساجھے داری کیتی ویسی۔انہاں ریلوے زمیناں قبضے توں چھڑاونڑ دے اقدامات دی پیش رفت وی ڈسائی۔
پاکستان ریلویز کوں خسارے توں کڈھ تے منافع بخش ادارہ بنڑاونڑ ترجیح اے،ادارے دی تنظیم نوکیتی ویسی،وزیراعظم عمران خان دا پاکستان ریلویز دی تنظیم نو اچ پیشرفت دے جائزہ اجلاس نال خطاب
مضمون کا ماخذ : ایڈونچر کی کتاب
متعلقہ مضامین
