اسلام آباد ۔ 10 جنوری (اے پی پی) نیول چیف ایڈمرل ظفر محمود عباسی آکھیے جو حربی مہارتاں دے نال نال کردار سازی کوں یقینی بنڑاونڑ وی اساڈی ذمے واری اے ۔او پاک بحریہ دے چیف پیٹی آفیسرز، سیلرز اتے سویلینز کیتے منعقدہ سٹاف اوپن فورم نال خطاب کریندے پئے ہن ۔پاک بحریہ دے ترجمان دے مطابق نیول چیف ایڈمرل ظفر محمود عباسی اوپن فورم اچ شرکت کیتی۔ ایں موقع تے پاک بحریہ اچ فلاح و بہبود کیتے اقدامات تے جاری منصوبیں دے حوالے نال حاضرین کوں بریفنگ ڈتی گی ۔ظفر محمود عباسی چیف پیٹی آفیسرز، سیلرز تے سویلینز ولوں پچھے گے سوالاں دے جواب ڈتے ۔ اوپن فورم پاک بحریہ اچ مستقل بنیاداں تے منعقد تھیونڑ آلی سرگرمی اے جیں اچ چیف پیٹی آفیسرز , سیلرز اتے سویلینز مختلف امور تے اپنڑاں نقطہ نظر پیش کریندن ۔
مضمون کا ماخذ : شمال کے ڈریگن
