اسلام آباد ۔ 17 اپریل (اے پی پی) وزیراعظم عمران خان ہدایت کیتی ہے جو انضمام شدہ قبائلی علاقیاں دی عوام دے نقصان ڈیونڑ سانگے حکومت ولوں اعلان کیتا گیا معاوضہ وختی ڈتا ونجے ، رمضان شریف دوران بجلی دی صورتحال کوں یقینی طور تے ٹھیک بنڑاونڑ سانگے وختی اقدامات کیتے ونجنڑ ، صحت انصاف کارڈ دی تقسیم دا عمل وی بیا تکھا کیتا ونجے۔ ایہ ہدایات عمران خان انضمام شدہ قبائلی علاقیاں دی تعمیر تے ترقی اچ پیش رفت دے حوالے نال جائزہ اجلاس دی صدارت کریندے ہوئیں ڈتیاں۔ اجلاس اچ وزیر خزانہ اسد عمر، وزیر منصوبہ بندی خسرو بختیار، گورنر خیبر پختونخواہ شاہ فرمان، وزیر اعلی خیبر پختونخواہ محمود خان، وزیر اعظم دے مشیر ارباب شہزاد، معاون خصوصی افتخار درانی، متعلقہ وزارتاں اتے محکماں دے وفاقی تے صوبائی سیکریٹریزتے بئے افسراں شرکت کیتی ۔ وزیر اعظم عمران خان کوں انضمام شدہ علاقیاں دے سالانہ ترقیاتی پروگرام اتے آندے 10سالاں سالوں دے ترقیاتی منصوبیں، جاری مالی سال سانگے مختص تے جاری فنڈز دے حوالے نال تفصیلی بریفنگ ڈتی گئی۔ ڈسایا گیا جو 2018-19ءاچ انضمام شدہ علاقیاں دی تعمیر تے ترقی سانگے 1186 منصوبے شامل ہن،جنہاں وچوں 726 جاری جڈاں جو 460 نویں منصوبے ہن۔ انہاں منصوبیں اچ تعلیم، صحت، مواصلات، بجلی، زراعت اتے انفراسٹرکچر ڈویلپمنٹ وغیرہ دے منصوبے شامل ہن۔ وزیر اعظم عمران خان آکھیا جو عوامی نمائندے انضمام شدہ علاقیاں دے عوام نال رابطے چنگا کرنڑ،تاں جوتعمیر تے ترقی دے سفر اچ عوام دی سانجھداری یقینی بنڑائی ونج جا سگے۔
وزیراعظم عمران خان دی صدارت اچ انضمام شدہ قبائلی علاقیاں دی تعمیر تے ترقی بارے جائزہ اجلاس
مضمون کا ماخذ : Loteria Instantânea
متعلقہ مضامین
