اسلام آباد ۔ 13 فروری (اے پی پی) وزیراعظم عمران خان وزیراعظم عمران خان اشیاءخوردونوش اچ ملاوٹ، ذخیرہ اندوزی دانوٹس گھندے ہوئے صوبیاں کوں ہک ہفتے اچ ایکشن پلان بنڑاونڑ دی ہدایت کیتی اے اتے انہاں اشیائے ضروریہ دی طلب ورسد،سستے ملھ فراہمی کیتے خصوصی سیل تیکھے بنڑاونڑ دی وی ہدایت کیتی اے۔ اے ہدایات انہاں اسلام آباد اچ اپنڑے زیر صدارت تھیونڑ آلے ہک اعلیٰ سطح اجلاس دی اگوانڑی کریندے آکھی جیندے اچ پورے ملک اچ اشیائے خوردونوش دی قیمتاں دے جائزے، پرائس کنٹرول، ذخیرہ اندوزی، ناجائز منافع خوری اتے ملاوٹ روکنڑ سانگے اقدامات دا جائزہ گھدا گئے۔اجلاس اچ صوبائی چیف سیکرٹریزوزیرِاعظم کوں اپنڑے صوبیاں اچ اشیائے خوردونوش دیاں قیمتاں دی اجوکی سورتحال بارے بریفنگ ڈتی۔اجلاس اچ ڈسایا گئے جو پاسکو ولوں صوبہ سندھ کوں چار لکھ ٹن گندم ڈیونڑ دا کم پورا تھی گئے بئی ہک لکھ ٹن کنڑک ڈیونڑ سانگے درخواست تے اقتصادی رابطہ کمیٹی اجلاس اچ غور کریسی۔اپنڑے خطاب اچ وزیرِاعظم عمران خان ہدایت کیتی جو ملک اچ اشیائے ضروریہ مثلاً کنڑک،کھنڈاتے بیاں فصلاں دی طلب و رسد دے تخمینے اتے طلب و رسد یقینی بنڑاونڑ سانگے جامع منصوبہ بندی بارے خصوصی سیل تیکھے بنڑائے ونجن،وزارتِ نیشنل فوڈ سیکورٹی دی افرادی قوت پوری کیتی ونجے۔اجلاس اچ وڈے شہراں اچ اسلام آبادآلی کار اشیاءضروریہ دی آن لائن ڈیلیوری، قیمتاں بارے معلومات ڈیونڑ آلیاں موبائل ایپلیکیشن دے اجراءاتے کساناں دے سوکھ کیتے فارم مارکیٹس دے قیام اچ پیش رفت تے وی تفصیلی بریفنگ ڈتی گئی۔وزیرِ اعظم آکھیا جو اشیاءخوردونوش دودھ، گوشت، دالاں جھیاں لوڑھ دیاں شئیں اچ ملاوٹ کہیں صورت قبول کائنی،ایندے نال بیماریاں تھیندن اتے بال دی صحت کوں خطرات پوندن،ملاوت دے خلاف قومی سطح تے ایمرجنسی لا تے ایندا رستہ روکیا ونجے،ملک اچ ملاوت روکنڑ کیتے ہک نیشنل ایکشن پلان بنڑایا ونجے۔
وزیراعظم عمران خان دااشیاءخوردونوش اچ ملاوٹ، ذخیرہ اندوزی دانوٹس،صوبیاں کوں ہک ہفتے اچ ایکشن پلان بنڑاونڑ دی ہدایت،اشیائے ضروریہ دی طلب ورسد،سستے ملھ فراہمی کیتے خصوصی سیل تیکھے بنڑائے ونجن،وزیراعظم عمران خان دااعلیٰ سطح اجلاس نال خطاب
مضمون کا ماخذ : میگا ملینز لائیو ڈرا
متعلقہ مضامین
