حافظ آباد ۔ 15 دسمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو بھٹو کوں زندہ رکھنڑ دا دعویٰ کرنڑ آلے لاڑکانہ تے تھر اچ عوام دی بے وسی ڈیکھن ، نابالغ سیاستداناں کوں اپنڑی جماعت اچ کٹھ پتلیاں نظر کائنی آندیاں ، سندھ دا وزیر اعلیٰ اصل کٹھ پتلی اے ،اتوار کوں حافظ آباد پریس کلب اچ نویں منتخب عہدیداروں دی تقریب حلف برداری نال خطاب کریندے ہوئیں انہاں آکھیا جو بلاول بھٹو کوں چار سال ایویں ڈکھی تھیونڑاں پوسی تے چار سال بعد عوام ولا ووٹ دی طاقت نال اقتدار اچ گھن آسن ، ہک خاندان بیماری دے ناں تے ضمانت گھن تے باہر چلا گے ،بیمار دے نال سہولت وی رلے ہے ، سہولت کار دا اسمبلی اچ چیمبر انہاں دا انتظار کریندا پئے ،،شہباز شریف نے بطور وزیراعلیٰ سابقہ دور اچ کرپشن دا بازار گرم کیتی رکھیا ، کراچی کوں عمران خان دی قیادت اچ ہک واری ول روشنی دا شہر بنڑیسوں ، پورے ملک اچ صحافیاں دے ہیلتھ کارڈ دے حوالے نال ہکا پالیسی بنڑیدے پیوں ، وفاقی حکومت پہلی واری زراعت کوں سی پیک اچ رلائے ، 10سال اقتدار اچ رہنڑ آلیں قرضہ گھن تے وڈے منصوبے شروع کرتے انہاں اچ کمیشن گھدا۔ صحافت دا ودھارا تے صحافیں دے مسئلیں دا حل اساڈی ذمے واری اچ شامل اے ، انصاف دی فراہمی یقینی بنڑاونڑ تحریک انصاف دا منشور اے ۔ حافظ آباد دی ترقی اچ رکن قومی اسمبلی شوکت علی بھٹی دے خاندان دا اہم کردار اے ۔ معاون خصوصی آکھیا جو اختیارات دی تلویں سطح تے منتقلی وزیراعظم دا مشن اے ، کجھ لوک اقتدار توں محرومی دا درد عوام کوں بنڑا تے پیش کریندے پن ، انہاں آکھیا ایجھے عناصر کوں باہر تھیونڑ آلا عوامی درد نظر نی آندا ، اپنڑی خواہشات کوں عوام دا ناں ڈے تے اقتدار توں محرومی دا ڈھنڈورا پٹیندے ودن ۔بھٹو دا ناں گھن تے سیاست کرنڑ آلیں کوں عوامی مسلیں دا پتہ کائن ، سندھ اچ اگر بھٹو زندہ اے تاں غریب مرگے ۔ڈاکٹر فردوس عاشق اعوان آکھیے جو اصل ایمپائر عوام اے جنہاں لاڑکانہ اچ اپنڑاں فیصلہ سنڑائے ، چار سال بعد ایہا عوام ووٹ دی طاقت نال عمران خان کوں ولا منتخب کریسن ۔
بھٹو کوں زندہ رکھنڑ دا دعویٰ کرنڑ آلے لاڑکانہ اتے تھر اچ عوام دی بےوسی ڈیکھن ، ہک خاندان بیماری دے ناں تے ضمانت گھن تے باہر چلا گے ،ڈاکٹر فردوس عاشق اعوان دا حافظ آباد پریس کلب اچ نویں منتخب عہدیداراں دی تقریب حلف برداری نال خطاب
مضمون کا ماخذ : quina resultados anteriores
متعلقہ مضامین
