اسلام آباد ۔ 21 اگست (اے پی پی) وزیرمملکت ہاوسنگ اینڈ ورکس شبیر علی قریشی آکھیے جو اوکھے شکل حالات دے باوجود حکومت ، وزیراعظم عمران خان دی قیادت اچ عام آدمی دی فلاح وبہبود کیتے کم کریندی پئی اے ،حکومت ملک کوں ترقی تے خوشحالی دے رستے تے گھن آونڑ کیتے ڈینھ رات ہک کرڈتے ۔قوم ٹیکس ڈے تے قومی فریضہ ادا کرے ۔اے گال انہاں اے پی پی نال گال مہاڑ کریندے ہوئیں آکھی اے ،انہاں آکھیا حالات اوکھے ہن ایندے باوجود تحریک انصاف دی قیادت ایں گال دا فیصلہ کیتے جو جتنا ممکن تھیوے عوام کوں ریلیف ڈتا ونجے ۔انہاں آکھیا جو وزیراعظم عمران خان ملک کوں اوکھے حالات توں کڈھنڑ کیتے کوشاں اے ۔ہک سوال دے جواب اچ انہاں آکھیا جو قوم ٹیکس ڈے تے ملک کوں اوکھے حالات توں کڈھے ۔انہاں آکھیا ٹیکس جیویں جو وزیراعظم عمران خان آکھیے عوامی امنگاں دے مطابق ملک تے قوم دی ترقی اتے خوشحالی تے خرچ تھیسی۔
حکومت ملک کوں ترقی تے خوشحالی دے رستے تے گھن آونڑ کیتے ڈینھ رات ہک کرڈتے، شبیر علی قریشی
مضمون کا ماخذ : apostas quina
متعلقہ مضامین
