اسلام آباد ۔ 18 جولائی (اے پی پی) پاکستان مقبوضہ کشمیر اچ بھارت ولوں انسانی حقوق دیاں سنگین خلاف ورزیاں بارے اقوام متحدہ دی رپورٹ مسترد کرنڑ تے مایوسی دا اظہار کریندے ہوئیں آکھیے جو او انکوائری کمیشن دے آزاد جموں کشمیر اتے مقبوضہ کشمیر دے دورے دا خیر مقدم کریندے ۔ بدھ کوں دفتر خارجہ دے ترجمان ڈاکٹر محمد فیصل اقوام متحدہ دی رپورٹ تے بھارت دے موقف دے رد عمل اچ ترجمان آکھیا جوبھارت ولوں رپورٹ داجائزہ گھدے بغیر مسترد کیتے ونجنڑ تے انہاں کوں ودھ ساری مایوسی تھی اے ۔انہاں آکھیا جو بھارت او ایچ سی ایچ آر ولوں مقبوضہ کشمیر اچ انسانی حقوق دی سنگین خلاف ورزیاں دے حوالے نال ظاہر کیتی ونجنڑ آلی ودھ ساری تشویش دے ازالے اچ ناکام رہیا اے ۔ انہاں آکھیا جوانسانی حقوق متعلق ہائی کمشنردے دفتر ہائی کمشنر اتے ظفر بنگش دے کہیں رابطے دی قطعی طورتے تردید کیتی اے۔ترجمان آکھیا جورپورٹ اچ بھارتی پارلیمنٹ، بھارتی سپریم کورٹ تے انڈین ایم ای اے سمیت سرکاری بھارتی ذرائع دا حوالہ ڈتا گے تے کمیشن کوں مقبوضہ جموں کشمیر اچ انسانی حقوق دیاں خلاف ورزیاں توں توجہ ہٹاونڑ دی بھارت دی مسلسل کوششاں تے تشویش لاحق اے تے اے واضح طورتے آکھیا گے جو اے کشمیر رپورٹ کشمیر دے لکھاں عوام دے انسانی حقوق متعلق اے ۔
بھارت ولوں مقبوضہ کشمیر اچ انسانی حقوق دیاں سنگین خلاف ورزیاں بارے اقوام متحدہ دی رپورٹ مسترد کرنڑ مایوس کن ہے، ترجمان دفتر خارجہ
مضمون کا ماخذ : مصری ڈریمز ڈیلکس
متعلقہ مضامین
