اسلام آباد ۔ 10 مارچ (اے پی پی) وزیر اعظم دے معاون خصوصی برائے صحت ڈاکٹر ظفر مرزا آکھیا جو حکومت کوروناوائرس کوں روکنڑ سانگے غیر معمولی ہنگامی اقدامات ودھاڈتن،وفاقی حکومت سارے صوبیاں دے تعاون نال ملک دے سارے داخلی رستاں تے سکریننگ دے نظام کوں اگوں ودھیندی پی اے،عوامی کٹھ اچ ونجنڑ اتے وائرس توں متاثرہ ملکاں توں آونڑ آلیاں نال نہ ملیا ونجے،تعلیمی سرگرمیاں جاری رہسن۔منگل کوں نجی ٹی وی چینل نال گالھ مہاڑ کریندیں ہوئیں انہاں آکھیا جو گزریل ڈینھ بئے ست بندیاں اچ کوروناوائرس دی تشخیص تھئی اے جنہاں کوں آئسولیشن وارڈ منتقل کر ڈتا گئے ۔انہاں آکھیا جو ہنڑ تئیں پورے ملک اچ 360بندیاں دے ٹیسٹ کیتے گئےن۔
مضمون کا ماخذ : لاٹری آن لائن
