اسلام آباد ۔ 3 مارچ (اے پی پی)اساڈا ملک ایں ویلھے کورونا وائرس ویکسین بنڑاونڑ تے کم کریندا پئے جیں کوں وختی علاج کیتے استعمال کیتا ویسی ،انہاں آکھیے جو پاکستان کورونا وائرس دے علاج تے کنٹرول دے حوالے نال چین دی جیڑھی مدد تے رہنمائی کریندا پئے چین دی حکومت ایندی تعریف کریندی اے۔اے گال چائنا دے پاکستان اچ چین دے سفیر یاﺅ جنگ ”انٹرنیشنل فورم برائے کالم نگار و اینکرز “ صحافیاں دے ہک وفد نال گال مہاڑ کریندے ہوئیں کیتی اے۔یاﺅ جنگ آکھیے جو کورونا وائرس ساریں توں ودھ پھیپھڑیں کوں متاثر کریندے تے ایندا سدھا حملہ وی ساہ دے نظام تے پھیپھڑیں تے تھیندے ،”ڈاکٹراں تے میڈیکل سائنسداناں دی تحقیق دے مطابق ایں وائرس دا ساریں توں ودھ متاثرتھیونڑ آلا حصہ وی پھیپھڑے ہوندن “ چائنیز سفیر مزید آکھیے جو چین اچ کورونا وائرس توں متاثرہ مریضاں دے علاج تے خصوصی توجہ ڈتی ویندی پئی اے۔انہاں آکھیے جو وائرس توں متاثرہ مریضاں دے علاج سانگے چینی حکومت ولوں کیتیاں گیاں کوششاں دی اقوام متحدہ دے ادارہ ورلڈ ہیلتھ آرگنائزیشن وی تعریف کیتی اے۔انہاں آکھیے جو ایں حوالے نال وی تحقیقات کیتیاں ویندیاں پن جو کورونا وائرس چین اچ کیویں آئے تے لوک کیویں متاثر تھئین ،حالی اساں تحقیق کریندے پیوں جو کورونا وائرس کھنڈنڑ دی وجہ کیا اے۔چینی سفیر پاکستان دے کردار دی تعریف کریندے ہوئیں آکھیے جو پاکستان چین دا ہک پرانڑاں یار اے تے بہوں سارے شعبیاں اچ پاک چین دوستی ہک مثال رکھیندی اے۔انہاں آکھیے جو کورونا وائرس دے علاج تے کنٹرول دے حوالے نال چین کوں پاکستان ولوں رہنمائی تے تعاون حاصل اے جیں کوں اساں قدر دی نگاہ نال ڈیکھدوں۔انہاں میڈیا تے زور ڈ تے جواوکورونا وائرس دے حوالے نال عوام اچ ڈر نہ کھنڈاوے۔انہاں آکھیے جو وائرس توں متاثرہ مریضاں دی میڈیکشن کیتی گئی اے تے وڈی تعداد صحت مند تھی تے ہسپتالاں تے آئسو لیشن وارڈ توں آپنڑے گھراں ڈو ول گئن۔انہاں آکھیے جو جیڑھے وی علاقیں اچ کورونا وائرس رپورٹ تھیوے اتھاں لوک ماسک پاون جے ساہ اوکھا تھیوے تاں وختی اپنڑاں میڈیکل معائنہ کراون۔
اساڈا ملک ایں ویلھے کورونا وائرس دی ویکسین تیار کرنڑ تے کم کریندا پئے جیں کو علاج کیتے استعمال کیتا ویسی،چینی سفیر یاﺅ جنگ
مضمون کا ماخذ : گولڈ رش
متعلقہ مضامین
