اسلام آباد۔14دسمبر(اے پی پی)صدر مملکت ڈاکٹر عارف علوی خصوصی افراد دی سہولت کیتے رجسٹریشن سوکھی کرݨ دا آکھیے جو معذوراں دی خصوصی ضروریات سانگے حیاتی دے مختلف شعباں اچ خصوصی افراد کوں فعال بݨاوݨ کیتے موثر اقدامات کیتے ویسن۔ اے ڳالھ خصوصی افراد دی بہبود بارے اجلاس دی صدارت کریندے کیتی۔ اجلاس اچ ڈاکٹر ثانیہ نشتر اتے چئیرمین نادرا خصوصی افراد دی رجسٹریشن کیتے اقدامات تے بریفنگ ڈتی۔ صدر عارف علوی زور ڈتا جو خصوصی افراد بارے سروے کریا ونڄے جو انہاں سے مسلے موثر طریقے نال حل تھی سڳن، اے سروے جون 2021 تعیں مکمل تھیوݨا چاہیدے اتے ایں سانڳے متعلقہ اسٹیک ہولڈر نال رل تے خصوصی افراد دی معاشی ترقی اتے انہاں کوں قومی دھارے اچ رلاوݨ دے تعلیمی نظام دے اقدامات کرن۔
مضمون کا ماخذ : bolão dupla sena
