اسلام آباد۔27اپرېل(اے پی پی) د سېنېټ چيئرمېن صادق سنجراني سره د چينائي سرمايه كارو پلاوي ملاقات وكړو په كوم كښې چې په هېواد كښې د سرمايه كارۍ په موقعو د خيالاتو څرګندونه وشوه۔ د زيارت په ورځ د سېنېټ سېكرټرېټ لخوا د جاري شوي بيان له مخې پلاوي دوه اړخيزه اړيكو ته په وده وركولو او پاكستان كښې په بېلو څانګو په خاص توګه انفارمېشن ټېكنالوجي او انفراسټركچر كښې د چينائي سرمايه كارۍ په زياتولو كښې خوښي ښكاره كړه۔ د سېنېټ چيئرمېن پلاوي ته هركلي وئيلو سره په سرمايه كارۍ كښې آسانۍ برابرولو له د حكومت او خپل اړخه د بشپړه مرستې باور وركړو۔ ده بلوچستان او په خاص توګه ګوادر سرمايه كارۍ لپاره زيات مناسب ګرځولو سره پلاوي ته په بلوچستان صوبه كښې د سرمايه كارۍ كولو بلنه وركړه۔ چينائي سرمايه كارو د سرمايه كارۍ د يو مركز په توګه د پاكستان د صلاحيت ستائنه وكړه۔ دواړو اړخونو د همكارۍ او سرمايه كارۍ نورو موقعو په لټولو اتفاق وكړو۔ د چينائي سرمايه كارو پلاوې په مسټر لین، مسټر ډين او مسټر جوئے مشتمل وو۔ په ملاقات كښې د سېنېټ چيئرمېن صلاحكار عابد حسن هم موجود وو۔
صادق سنجراني سره د چينائي پلاوي ملاقات ٬ په هيواد كښې د سرمايه كارۍ په موقعو د خيالاتو څرګندونه
مضمون کا ماخذ : بک آف ڈیڈ
متعلقہ مضامین
