اسلام آباد۔12نومبر(اے پی پی)وزیراعظم عمران خان آکھیے جو سارے اقتصادی اعشاریے مثبت ہین،سمندر پار مقیم پاکستانی ملک دا وݙا سرمایہ ہین،اڳو تے کݨک اتے ڳھنݙ دی تھور نہ تھیسی،برآمدات اچ 24 فیصد ودھارا تھئے، ٹیکسٹائل سیکٹر دی بحالی اتے آٹو موبائلز دی وکری ودھی اے، ڄݙاں اساں اقتدار سنٻھالیے تاں معاشی صورتحال خراب ھئی، ادھے توں ودھ ٹیکسز قرضاں دی ادائیگی تے خرچ تھیندے ہن، ملک دا کرنٹ اکائونٹ خسارہ 20 ارب ڈالر ھا، جیکر ماضی دے قرضیاں دا ٻھار نہ ہوندا تاں توں صورتحال ٻئی چنڳی تھیندی، پچھلے چار مہینے اچ کوئی نواں قرضہ نئیں ڳھدا ڳیا، موسمی حالات پاروں کݨک دی پیداوار ڳھٹ تھئی، موثر معاشی پالیسیاں نال 17 سال بعد کرنٹ اکائونٹ سرپلس رہے۔ وزیراعظم عمران خان سٹیٹ بینک آف پاکستان ولوں نیا پاکستان سرٹیفکیٹ دی لانچنگ تقریب نال خطاب اچ آکھی۔ انہاں آکھیا جو کئی ملکاں اچ اسلامو فوبیا دا رجحان ودھیے جیڑھا چنتے دی ڳالھ اے۔ وزیراعظم آکھیے جو نیا پاکستان سرٹیفکیٹ وݙا اہم اے، سمندر پار مقیم پاکستانی ایندے نال اپݨا پیسہ پاکستان ڳھن آ تے نہ صرف منافع کما سڳسن بھل اپݨے ملک دی وی خدمت کر سڳسن۔ وزیراعظم عمران خان گورنر سٹیٹ بینک رضا باقر کوں ہدایت کتیی جو سمندر پار مقیم پاکستانیاں کوں اپݨا پیسہ وطن ڳھن آوݨ کیتے متوجہ کیتا ونڄے اتے ایندے کیتے ٻئے اقدامات کیتے ونڄن۔
سارے اقتصادی اعشاریے مثبت ہین،سمندر پار مقیم پاکستانی ملک دا وݙا سرمایہ ہین،اڳو تے کݨک اتے ڳھنݙ دی تھور نہ تھیسی، وزیراعظم عمران خان دا نیا پاکستان سرٹیفکیٹ دی تقریب نال خطاب
مضمون کا ماخذ : راکی
متعلقہ مضامین
