لاہور۔5فروری(اے پی پی )یوم یکجہتی کشمیردے موقع تے فیصل چوک اچ عوامی اجتماع دا انعقاد کیتا گیا۔وزیراعلیٰ پنجاب سردار عثمان بزدار،صوبائی وزرائ، اراکین صوبائی اسمبلی ،تحریک انصاف دے رہنماواں،کارکناںاتے شہریاں وڈی تعداد اچ کشمیریاں نال اظہار یکجہتی کیتا ۔ بھارتی بربریت اتے مودی سرکار دے ظلم تے احتجاج کیتا گیا ۔پاکستان تے کشمیر دے ترائے وجائے گن ۔وزیراعلیٰ عثمان بزدار اجتماع نال خطاب کریندے ہوئیں آکھیا جو یوم یکجہتی کشمیر کوں ہر سطح تے چنگے طریقے نال منایا ویندا پئے تے یوم یکجہتی کشمیر مناونڑ دا مقصد ہندوستان دا اصل مکروہ چہرہ دنیا کوں ڈکھاونڑاں اے ۔ مقبوضہ کشمیر اچ بھارتی فوج دے لاک ڈاﺅن کوں 185 ڈینھ تھی گن ۔نشوم نہتےکشمیریاں تے ظلم تے پورا پاکستان احتجاج کریندا پئے ،دنیا اچ ساریں توں وڈی جمہوریت اکھواونڑ آلے بھارت مقبوضہ کشمیر اچ جمہوری اقدار دا خون کیتے ۔پاکستانی قوم دنیا کوں اج پیغام ڈتے جو پاکستان کشمیریاں دے رلے کھڑے ،پاکستان تے کشمیر ہک اے تے رہسی۔ ہزاراں لوکاں دا احتجاج مودی سرکاری کیتے نوشتہ دیوار اے ۔ انشاءاللہ کامیابی کشمیری عوام دا مقدر بنڑسی ۔ وزیراعظم عمران خان بہادری ،جرات اتے دلیل نال کشمیر دا مقدمہ لڑیے ۔ پاکستان دی تاریخ اچ کہیں لیڈر اینویں کشمیر دا مقدمہ نی لڑیا جیویں وزیراعظم عمران خان کشمیریا ںدے حق اچ آواز چاتی اے ، انہاں آکھیے جو قائداعظمؒ آکھیا ہئی جو کشمیر پاکستان دی شہ رگ اے ،اساں کشمیر کاز توں پچھوں نی ہٹ سگدے ۔تقریب نال پاکستان تحریک انصاف سنٹرل پنجاب دے صدر اعجاز چوہدری ،ظہیر عباس کھوکھراتے ممبر قانون سا ز اسمبلی آزادکشمیر غلام محی الدین دیوان وی خطاب کیتا۔تقریب اچ صوبائی وزراءراجہ بشارت، فیاض الحسن چوہان، اراکین پنجاب اسمبلی عظمی کاردار ، مسرت جمشید چیمہ، سعدیہ سہیل، ندیم بارا، مہندر پال سنگھ،چیف سیکرٹری، ایڈیشنل چیف سیکرٹری، سیکرٹریز ،تحریک انصاف دے رہنماواں علی امتیاز وڑائچ، عامر گجر، میاں اکرم عثمان ، مہر واجد، اعجاز ڈیال، شعیب صدیقی اتے بئیں شرکت کیتی ۔
وزیراعظم عمران خان جرات اتے دلیل نال کشمیر دا مقدمہ لڑیے ،پاکستان دی تاریخ اچ کہیں لیڈر اینویں کشمیر دا مقدمہ نی لڑیا ،کشمیری وختی اپنڑی جدوجہد اچ سرخرو تھیسن وزیراعلیٰ پنجاب عثمان بزدار دا خطاب
مضمون کا ماخذ : دیگر کلیدی الفاظ
متعلقہ مضامین
