اسلام آباد۔19نومبر (اے پی پی) وزیراعظم شہباز شریف دی ٹیکس چوری اتے ذخیرہ اندوزی اچ ملوث شوگر ملز مالکاں دے خلاف سخت قانونی کاروائی دی ہدایت کریندیں ہوئیں آکھیا جو کھنڈ دے نرخاں اچ ودھارا کہیں صورت برداشت کائنا کیتا ویسی۔ منگل کوں وزیراعظم آفس دے میڈیا ونگ توں جاری بیان موجب ایف بی آر، ایف آئی اے اتے آئی بی کوں کھنڈ دے نرخاں تے ٹیکس دی چوری، غیردستاویزی فروخت اتے نرخاں اچ ودھارا روکݨ کیتے سانجھی کاروائی کرݨ دی ہدایت کر ݙتی اے اتے ایں بارے نوٹیفیکیشن جاری کر ݙتا ڳئے۔ وزیراعظم ایف بی آر، آئی بی اتے ایف آئی اے کوں ہدایت کیتی جو شوگر سیکٹر اچ سیلز ٹیکس دی چوری روکے ونڄے۔ شوگر کین کرشنگ سیزن شروع تھیندا پئے۔ شوگر ملاں اتے ڈیلرز توں جی ایس ٹی دی 100 فیصد وصولی یقینی ٻݨائی ونڄے۔ بیان موجب وزیراعظم دی ہدایت تے شوگر ملاں اچ کیمرے لاوݨ دا فیصلہ کیتا ڳئے جئیں نال کھنڈ دی ذخیرہ اندوزی کائنا تھی سڳسی۔ وزیراعظم دی ہدایت تے کیمرے لاوݨ نال شوگر ملکاں دے پیداواری عمل اتے ذخیرہ اندوزی تے نظر رکھی ونڄے۔ وزیراعظم شوگر سٹہ مافیا دے خلاف وی سخت کارروائی دی ہدایت کیتی اے۔ بیان اچ آکھیا ڳئیا جو وزیراعظم سٹیل، سگریٹ، سیمنٹ اتے مشروبات سودھے ٻئے شعبیاں اچ ایجھے اقدامات دی ہدایت کیتی اے۔
وزیراعظم شہباز شریف دی ٹیکس چوری اتے ذخیرہ اندوزی اچ ملوث شوگر ملز مالکاں دے خلاف سخت قانونی کاروائی دی ہدایت
مضمون کا ماخذ : números quina hoje
متعلقہ مضامین
