ملتان۔ 06 نومبر (اے پی پی) قائم مقام صدرِ مملکت سید یوسف رضا گیلانی دی کبیر والا اچ ایم این اے رضا حیات ہراج دے والد دی رسم قل اچ شرکت کیتی۔ قائم مقام صدر ایم این اے رضا حیات ہراج ، رکن صوبائی اسمبلی اکبر حیات ہراج اتے اصغر حیات ہراج نال انہاں دے والد دی وفات تے تعزیت کیتی اتے مرحوم سابق بیوروکریٹ خضر حیات ہراج دے درجات دی بلندی کیتے دعا کیتی۔ ایں موقع تے سید یوسف رضا گیلانی بیرسٹر رضا حیات ہراج دی دستار بندی وی کیتی۔ رسم قل اچ ایم پی اے رانا اقبال سراج،مہر امیر عباس،رانا بابر،عامر حیات ہراج ،سابق ایم این اے سکندر بوسن سودھے عمائدین علاقہ اتے مختلف شعبہ ہائے زندگی توں تعلق رکھݨ آلے لوکاں دی وݙی تعداد شریک تھئی۔ ایں توں پہلے معروف عالم دین مولانا طارق جمیل خطاب کیتا اتے مرحوم دے ایصالِ ثواب کیتے دعا کرائی۔
مضمون کا ماخذ : بلوچستان لاٹری
