اسلام آباد۔20اکتوبر(اے پی پی) وفاقی وزیر قانون سینیٹراعظم نذیر تارڑ آکھیے جوڈیشل کمیشن اچ ممبران پارلیمنٹ سودھ ےچیف جسٹس اتے سپریم کورٹ دے چار سینئر ججز شامل ہوسن ، آئینی بینچاں دی تشکیل دا اختیار وی جوڈیشل کمیشن کوں ݙتا ویسی ،چیف جسٹس ترائے سینئر ججاں اچوں ترائے سال سانڳے تعینات کیتا ویسی ، جمعیت علمائے اسلام دی 5 ترامیم دی حمایت کریندوں وفاقی وزیرسینیٹ اچ 26ویں آئینی ترمیم دی تحریک پیش کرݨ دے بعد ایوان کوں ترمیم دے حوالے نال ایندے خدوخال بیان کریندے آکھیے اے اوہو مسودہ اے جیڑھا خصوصی پارلیمانی کمیٹی اتفاق رائے نال منظور کیتا ہئی ، اتحادی جماعتاں توں مختلف اوقات اچ خصوصی پارلیمانی کمیٹی دے اجلاس اچ اتفاق رائے تھئے۔ سینیٹ اجلاس اچ وزیر قانون اعظم نذیر تارڑ ڳالھ کریندے آکھیے 19ویں ترمیم عجلت اچ گھن آئی ڳئی تے کمیشن دا جھکاؤ ھک خاص ادارے دے پاسے رہیا ، انھاں پاکستان بار کونسل دے ججز دی تقرری دے مطالبے دا ذکر کیتے تے تجویز ݙتی متعلقہ آرٹیکل اچ ترمیم کیتی ویسی ۔اعظم نذیر تارڑ وضاحت کیتی جو جوڈیشل کمیشن اچ چیف جسٹس سودھے چارسینئر ججز اتے چار ارکان پارلیمنٹ شامل ہوسن جݙاں جو آئینی بینچ دے ارکان وی کمیشن دا حصہ ہوسن ۔ ہائیکورٹ دے معاملات اچ صوبیں دی نمائندگی وی کیتی ویسی ۔ وزیر قانون اعظم نذیر تارڑ آکھیے انویویں ترمیم آئین دے توازن کوں متاثر کیتا۔ انہاں ݙسائے جو آئین دے آرٹیکل 175 اے اچ ترمیم کرݨ دا فیصلہ کیتا ڳئے جیں سانڳے کئی ہفتے تئیں سیاسی مشاورت کیتی ڳئی ۔ انھاں اے وی وضاحت کیتی جو 26ویں آئینی ترمیم اچ چیف جسٹس دی مدت ترائے سال مقرر کیتی ڳئی اے اتے وزیراعظم چیف جسٹس دی تعیناتی دا اختیار پارلیمنٹ کوں ݙتے ۔ وفاقی کابینہ ایں مسودے دی متفقہ طور تے منظوری ݙے ݙتی تے کوشش کیتی ڳئی جو اعلیٰ عدالتاں اچ ججز دی تعیناتی اچ شفافیت گھن آئی ونڄے انہاں آکھیے ججز دی نامزدگی ہݨ جوڈیشل کمیشن کریسی تے ججز دی تقرری اچ شفافیت سانڳے ساریں کوں ھک جاہ ٻہہ تے فیصلہ کرݨ دی لوڑھ اے ۔ایں دوران پروپیگنڈہ کیتا ڳئے جو اے اقدامات موجودہ چیف جسٹس فائز عیسیٰ سانڳے کیتے ویندے پئن جݙاں جو چیف جسٹس واضح کیتے جو او ایں معاملے اچ دلچسپی نی رکھیندے ۔وفاقی وزیر قانون اعظم نذیر تارڑ آکھیے پیپلز پارٹی اتے ن لیگ وچال میثاق جمہوریت توں اے معاملہ شروع تھیا ۔ انھاں افسوس کیتے جو 184 دے تحت وزرائے اعظم کوں گھر بھیجݨ دا استعمال کیتا ڳیا ، انھاں آکھیے تاریخ توں سبق سکھدے ہوئیں آئینی عدالت توں آئینی بینچ تئیں ڳالھ کیتی ڳئی ،اپوزیشن توں تجویز آئی آئینی عدالت دی بجائے آئینی بینچاں تے اتفاق کیتا ونڄے ایویں آئینی بینچاں دا قیام عمل اچ گھن آیا ویندا پئے ، جݙاں جو سوموٹو توں گھن تے چیف جسٹس دے تقرر تئیں دے معاملات وی ترمیم اچ رلائے ڳئن ۔اعظم نذیر تارڑ آکھیے پاکستان دے نظام انصاف کوں سست روی توں کڈھݨ سانڳے سارے ممبران کوں آپݨا کردار نبھاوݨا ہوسی انھاں ایں ڳالھ تے زور ݙتے جو ایوان کوں تکڑا بݨاوݨ سانڳے ساریں کوں رل تے کم کرݨا چاہیدے تاں جو عوام کوں وختی انصاف ݙتا ونڄ سڳے ۔ اے سانجھیاں کوششاں نظام اچ شفافیت گھن آوݨ اچ مددگار ثابت تھیسن ۔12رکنی کمیٹی چیف جسٹس دی تعیناتی ݙو تہائی اکثریت نال کریسی وزیراعظم انھاں دے ناں دی سمری صدرِ مملکت کوں بھیڄیسن ایویں اسلام آباد ہائیکورٹ اتے چارے صوبیں اچ ہائی کورٹس دے چیف جسٹس دی تعیناتی اتے سپریم کورٹ اچ ججز دی تعیناتی بارے وی ایہو طریقہ کاری اے ۔ اے تعیناتیاں جوڈیشل کمیشن دے ذریعے کیتیاں ویسن آئینی ترمیم دے ذریعے آرٹیکل 9اے دا ودھارا کیتا ڳئے جیں دا مقصد ہر شہری کوں بنیادی حق شاف وصفاف ماحول ݙیوݨ یقینی بݨاوݨا اے ۔جے یو آئی ف دے سینیٹر کامران مرتضیٰ ایں وچ 5ترامیم پیش کریسن ایں تے اتفاق رائے ہے۔ایں اچ اسلامی نظریاتی کونسل ،وفاقی شرعی عدالت اتے رباہ دے حوالے نال ترمیم شامل ہن ، انھاں آکھیے عوام کوں سستا تے وختی انصاف ݙیوݨ سانڳے ایں ٻل کوں منظور کیتا ونڄے
