اسلام آباد۔11اکتوبر (اے پی پی) قائم مقام صدر مملکت سید یوسف رضا گیلانی دکی بلوچستان اچ کان کناں تے حملے دی پرزور مذمت کیتی اے۔ ایوان صدر دے پریس ونگ توں جاری بیان موجب قائم مقام صدر واقعے اچ بے گناہ کان کناں دے مارے ونجݨ تے ݙکھ تے افسوس کیتے۔ انہاں آکھیا جو مزدوراں تے حملہ کرݨ آلے ظلم تے بربریت دی انتہا کیتی اے۔ ایں ظالمانہ واقعے اچ ملوث عناصر کوں سخت سزا ملݨی چاہیدی اے۔ قائم مقام صدر جاں بحق کان کناں دے لواحقین نال تعزیت کریندیں ہوئیں مرحومین کیتے مغفرت اتے لواحقین کیتے صبر جمیل دی دعا کیتی۔ قائم مقام صدر زخمیاں کوں فوری طبی امداد ݙیوݨ دی ہدایت کیتی اتے انہاں دی جلدی صحت یابی کیتے دعا کیتی۔
مضمون کا ماخذ : الوہا کلسٹر ادائیگی کرتا ہے۔
