راولپنڈی ۔26ستمبر (اے پی پی) پاکستان اتے آذربائیجان وچال عسکری معاہدہ، پاکستان آذربائیجان کوں جے ایف-17 بلاک تھری لڑاکا طیارے وچیسی۔ آئی ایس پی آر موجب دوست ملکاں نال دفاعی تعاون ودھاوݨ کیتے پاکستان آذربائیجان دی فضائی طاقت کوں ودھاوݨ کیتے جے ایف-17 بلاک تھری لڑاکا طیارے ویچݨ دے معاہدے تے دستخط کیتے۔ آذربائیجان دے صدر الہام علیوف کوں اجوکے دورہ پاکستان اچ جے ایف-17 بلاک تھری لڑاکا طیاریاں دی جنگی صلاحیتاں اتے ٻئے مقاصد کیتے ایندے استعمال بارے بریفنگ ݙتی ڳئی۔ صدر الہام علیوف دے دورے دے بعد حکومت آذربائیجان دی درخواست تے پاکستان پی اے ایف دا دستہ باکو اچ اے ڈی ای ایکس-2024 اچ شرکت کیتے ٻھیجا ہئی جئیں اچ پاک فضائیہ صلاحیتاں ݙکھائی اتے جے ایف-17 تھنڈر بلاک-تھری دی نمائش وی کیتی۔ صدر الہام علیوف جے ایف-17 تھنڈر بلاک-تھری دی نمائش دا دورہ کرݨ دے بعد فضائی مظاہرے وی ݙٹھے۔ آذربائیجان دے صدرآکھیا جو پاکستان ولوں ݙتے ڳئے اے حمایت ݙوہیں ملکاں وچال اڄوکے عسکری تعاون کوں مضبوط، دفاعی تعاون ودھاوݨ اتے ݙوہیں ملکاں وچال برادرانہ تعلقات کوں مضبوط ٻݨاوݨ اچ اہم کردار ادا کریسی۔
پاکستان اتے آذربائیجان وچال عسکری معاہدہ، پاکستان آذربائیجان کوں جے ایف-17 بلاک تھری لڑاکا طیارے وچیسی۔ آئی ایس پی آر
مضمون کا ماخذ : میگا مولا۔
متعلقہ مضامین
