اسلام آباد۔15ستمبر(اے پی پی) ممتاز ماہرِ تعلیم، ادیبہ اتے پاکستان فیڈریشن آف یونیورسٹی وومن اسلام آباد دی صدر قیصرہ علوی دی رہائش گاہ تے ربیع الاول دے ماہِ مبارک دی مناسبت نال بارگاہِ رسالت مآب خاتمُ النبیّین صلّی اللہ علیہ وسلّم دے حضور نذرانۂ عقیدت دی بابرکت اتے یادگار بھرپور تے مقدس نعتیہ محفل تھئی جیں اچ ممتاز و منتخب شعرا دے علاوہ اہلِ قلم تریمتاں تے حضرات اتے باذوق سامعین دی وݙی تعداد شرکت کیتی۔ ایں مقدس محفل دی صدارت ڈاکٹر احسان اکبر کیتی جݙاں جو جناب جلیل عالی مہمانِ خصوصی ہن ۔ پروفیسر ڈاکٹر محمد سلیم مظہر ڈائریکٹر جنرل ادارہ فروغِ قومی زبان، فریدہ حفیظ، منیرہ شمیم، نعیم فاطمہ علوی، خالدہ لئیق، ریاض احمد سید، جناب سعدی فراز دے علاوہ شاعراں اچ نسیمِ سحر، جناب ضیاءالدین نعیم، محسن شیخ، جناب سلمان باسط، نصرت مسعود، رحمان حفیظ، طاہرہ غزل، جنید آذر، احمد فرید، جناب افضل خان، محترمہ فرح ملک، ڈاکٹر مہ ناز انجم، محترمہ فرح دیبا اتے محبوب ظفر شامل ہن۔ ممتاز سیرت نگار، کالم نگار اتے سینئر سفارت کار ریاض احمد سید سیرت آقائے نامدار دے حوالے نال ڳالھ مہاڑ کیتی جݙاں جو حنا عباسی تلاوتِ کلامِ مجید اتے نعت نال ایں بابرکت مجلس دا آغاز کیتا۔ تقریب دی نظامت دے فرائض محبوب ظفر ادا کیتے۔ ایں مقدس اتے بابرکت مجلس دی میزبان محترمہ قیصرہ علوی شرکائے محفل دا شکریہ ادا کیتا ۔ صدرِ مجلس ڈاکٹر احسان اکبر چھیکڑ تے دعا فرمائی جیں دے بعد پرتکلف عشائیے تے اے متبرک مجلس مکی ۔ (ڈاکٹر سعدیہ کمال)
