اسلام آباد۔1ستمبر(اے پی پی) وزیراعظم دی کوآرڈینیٹر موسمیاتی تبدیلی اتے ماحولیاتی رابطہ رومینہ خورشید عالم آکھیے پاکستان دے ݙوجھے شہراں کوں چاہیدے جو او اسلام آباد دے موسمیاتی ایکشن ماڈل تے عمل کرن۔آپݨے بیان اچ انھاں اسلام آباد کیپٹل ٹیریٹری دے ماحولیاتی تبدیلی دے خطرے پاروں ماحول دوست توانائی تے منتقلی سانڳے شروع کیتے ڳئے اقدامات دی تعریف کیتی ۔وزیراعظم دی معاون آکھیے موسمیاتی تبدیلی دی وزارت سی ڈی اے انتظامیہ کوں مصنوعی ذہانت تے مبنی ھک منفرد حل تجویز کیتے جیں تے عمل کرتے اسلام آباد دی ہوا دے معیار کوں چنڳاں بݨا تے اینکوں بین القوامی سطح تے ھک سیاحتی مقام دے طور تے پیش کیتا ونڄ سڳدے ، ایں ویلھے اسلام آباد دی ہوا دا معیار پی ایم 2.5 تے ہے جیڑھا ڈبلیو ایچ او دے عبوری ہدف توں ودھ اے مسلسل خراب تھیندا پئے ، مجوزہ حل نہ صرف دارالحکومت اچ ہوا دامعیار چنڳاں بݨیسی بلکہ صحت دے خطرے کوں وی گھٹ کریسی تے مزید بین الاقوامی سیاحواں کوں گھن آسی ، انھاں آکھیے ماحولیاتی تبدیلیاں نال نبݨݨ سانڳے وفاقی شہر اتے ایندے نیڑے علاقیں سانڳے الیکٹرک بس سروس، کلائمیٹ چینج فنڈ (سی سی ایف )، مارگلہ ہلز فنڈ (ایم ایچ ایف ) اتے کاربن کریڈٹ پروگرام (سی سی پی ) جیھاں مختلف پالیسیاں اتے اقدامات متعارف کرائے ڳئن۔ وزیراعظم دی معاون آکھیے موسمیاتی تبدیلی دے اقدام دے حصے دے طور تے منصوبے دے تحت دارالحکومت اچ 2000 توں 10000 کنال تے 4 توں5 ملین ٻوٹے/وݨ رادھے ویسن ، ایم ایچ ایف دے ذریعے مارگلہ دیاں پہاڑیاں اچ تفریحی جاہ توں ملݨ آلی آمدنی دا 1.5 فیصد مختص کیتا ویسی تاں جو سی پی پی دے اقدام دے ہدف کوں ڳھدا ونڄ سڳے ۔کوآرڈینیٹر ٻئے شہراں دی انتظامیہ تے زور ݙتے او قابل تجدید توانائی، پائیدار ترقی اتے ماحولیاتی تحفظ کوں ترجیح ݙیندے آب و ہوا دے اقدامات اچ اسلام آباد دی پیروی کرن۔
