اسلام آباد۔12مئی (اے پی پی):وزیر مملکت خارجہ امور حنا ربانی کھر آکھیے جو سابق وزیراعظم عمران خان دی امریکی صدر ڈونلڈ ٹرمپ نال ملاقات توں بعد بھارت دے زیر قبضہ کشمیر دی آئینی حیثیت بدالی ڳئی۔ پاکستان پہلے ݙینھ توں ہی ڈرون حملیں دے خلاف ہئی ، خارجہ پالیسی فرد واحد نی بلکہ ملک اتے عوام دے مفاد کوں سامݨے رکھ تے بݨائی ویندی اے ، بھارت دے نال تجارتی یا سفارتی تعلقات اچ کہیں قسم دی کوئی تبدیلی نی کیتی ڳئی ، پاکستان بھارت سودھے سارے ملکاں دے نال چنڳے تعلقات چاہندے ، خارجہ پالیسی دی بنیاد ملک اتے عوام دا مفاد ہوندے ، ݙوجھے ملکاں نال تعلقات دی بنیاد کہیں تریجھے ملک نال تعلقات تے نی ہوندی ۔ قومی اسمبلی اچ نور عالم خان اتے فہمیدہ مرزا دی طرفوں چاتے ڳئے نکتے دا جواب ݙیندے ہوئیں حنا ربانی کھر آکھیے جو پاکستان دے ݙوجھے ملکاں نال تعلقات دا انحصار کہیں تریجھے ملک دے تعلقات تے کائنی ۔ ڈونلڈ ٹرمپ نال سابق وزیراعظم دی ملاقات توں واپسی تے انہاں دا ایویں استقبال کیتا ڳئے جیویں او ورلڈ کپ جت آئن ۔ دورے دے بعد کشمیر اچ آئینی حیثیت بدال ݙتی ڳئی ۔ بھارتی کمیشن دی حد بندی دی رپورٹ تے ایں ویلھے پاکستان بھارتی سفارتکار کوں سݙ تے احتجاج کیتا اتے مذمتی بیان جاری کیتا۔ حنا ربانی کھر آکھیے دنیا جے انسانی حقوق دیاں خلاف ورزیاں دے خلاف چاتی ونڄݨ آلی آواز کوں زیادہ سݨدی اے تاں اساکوں ایہو چینل اپناوݨا چاہیدے ۔
سابق وزیراعظم عمران خان دی امریکی صدر ڈونلڈ ٹرمپ نال ملاقات توں بعد بھارت دے زیر قبضہ کشمیر دی آئینی حیثیت بدالی ڳئی ،وزیر مملکت خارجہ امور حنا ربانی کھر
مضمون کا ماخذ : پریمیوس لوٹومینیا
متعلقہ مضامین
