اقوام متحدہ دے 2030 دے پائیدار ترقیاتی اہداف دے حصول کیتے ٻڈھے لوکاں دے کردار دا اعتراف کیتا ونڄے ، پاکستان

APP51-110422 NEWYORK: April 11 Deputy Permanent Representative of Pakistan, Ambassador Muhammad Aamir Khan delivering statement in his capacity as G77 Chair during the 12th Session of Open-Ended Working Group on Ageing. APP

اقوام متحدہ۔12اپریل (اے پی پی):پاکستان آکھیے اقوام متحدہ دے پائیدار ترقی دے اہداف 2030 دے حصول کیتے ٻڈھے لوکاں دے کردار دا اعتراف کیتا ونڄے ۔ اقوام متحدہ اچ پاکستان دے نائب مستقل مندوب عامر خان اقوام متحدہ دے ورکنگ گروپ آن ایجنگ دے اجلاس اچ گروپ آف 77 دی نمائندگی کریندے ہوئیں ݙسائے جو ایں اعتراف دے طور تے معمر لوکاں دے انسانی حقوق دی فراہمی کوں یقینی بݨایا ونڄے۔ انہاں آکھیے جو غربت مکاوݨ سودھے سارے ترقیاتی اہداف اچ ٻڈھے لوکاں تے خصوصی توجہ مرکوز کیتی ونڄے اتے ٻڈھے لوکاں دے سماجی ، معاشی اتے جذباتی تحفظ کوں یقینی بݨاوݨ کیتے میڈرڈ پلان آف ایکشن 2002 دے مطابق اقدامات کیتے ونڄن تے ایں مقصد دے حصول کیتے بین الاقوامی تعاون کوں ودھایا ونڄے ، انہاں ایں ڳالھ تے زور ݙتے جو ٻڈھے لوکاں دے حقوق دی فراہمی کوں یقینی بݨاوݨ کیتے عمر دی بنیاد تے امتیازی سلوک، نظر انداز کیتے ونڄݨ ، بدسلوکی تے تشدد مکاوݨ تے سماجی تحفظ ، غذائی، چیزاں رہائش ،صحت ، روزگار، قانونی معاونت اتے انصاف دی سہولتاں تئیں رسائی ݙتی ونڄے۔

مضمون کا ماخذ : لاٹری کے نتائج