فیصل آباد ۔27مارچ (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان دے خلاف عدم اعتمادگھن آوݨ آلیں کوں ایجھا سرپرائز ملݨ ویندا پئے جو او اڳوں ایجھا سوچݨ وی بھل ویسن کیوں جو عمران خان پر اعتماد ہی کائںی بلکہ اعتماد پلس تھیوݨ ویندا پئے جݙاں جو ایندے برعکس آر یا پار تھیوݨ آلیں دے خوار تھیوݨ دا ویلھا آڳئے کیوں جو وزیراعظم دے خلاف عدم اعتمادنہ صرف ناکام تھیسی بلکہ عمران خان اپݨی موجودہ آئینی مدت پوری کرݨ دے بعد اڳلی واری وی وزیراعظم منتخب تھی تے آپݨی اڳوں 5 سالہ مدت پوری کریسن ۔او اتوار دی سویل پریڈ گراؤنڈ اسلام آباد اچ تھیوݨ آلے امربالمعروف جلسہ اچ شرکت کیتے اپݨے انتخابی آفس ڈی ٹائپ فیصل آباد توں کارکنوں دے ھک عظیم الشان قافلہ دے رلے روانگی توں پہلے میڈیا نال ڳالھ مہاڑ کریندے پئے ہن ، انہاں آکھیے جو پورے ملک توں کارکناں دا سمندر اپݨے محبوب قائد تے اعتماد پلس کیتے ٹردا پئے کیوں جو او جاݨدن جو عمران خان ایجھا وزیراعظم اے جیں دے خلاف کوئی منی لانڈرنگ دا کیس کائنی ، نہ ہی باہرلے ملک اچ محلات بِݨائے،نہ انہاں دے کاروبار ٻہر ہن بلکہ مخالفین دے برعکس عمران خان 40سال باہر محنت کیتی تے پیسے بینکنگ چینل توں پاکستان گھن آئے جیں دی ھک ھک رسید متعلقہ اداریں کوں ݙے ݙتی ڳئی اے ۔
آر یا پار تھیوݨ آلیں دے خوار تھیوݨ دا ویلھا آڳئے، ، وزیر مملکت اطلاعات و نشریات فرخ حبیب
مضمون کا ماخذ : جنگل کا بادشاہ
متعلقہ مضامین
