اسلام آباد۔10مارچ(اے پی پی)وفاقی وزیر اطلاعات و نشریات چوہدری فواد حسین آکھیے جو سیاسی محاذ تے حکومت پورے اعتماد نال کھڑی اے، اپوزیشن دے منھ ݙسیندن جو حالات کیا ہین، اپوزیشن پاک فوج دے خلاف مہم چلیندی پئی اے، فضل الرحمان، نواز شریف، آصف زرداری افواج پاکستان کوں ہتھ اچ کرݨ چاہندن، ڈان لیکس، بھارتی تاجراں اتے نریندر مودی نال نواز شریف دیان پینگاں اتے فوج مخالف بیانیہ ایندا ثبوت اے، شریف خاندان دی سازشی سیاست جاری اے، پاکستان دی خارجہ پالیسی دا فیصلہ پاکستان دے لوکاں کرݨے، کوشش اے جو اے سیاسی ݙرامہ 23 مارچ توں پہلے مک ونڄے۔ اے ڳالھ انہاں پریس کانفرنس اچ آکھی۔ انہاں آکھیا جو وزیراعظم دی زیرصدارت سیاسی کمیٹی دے اجلاس اچ وزیراعظم آکھیے جو سیاسی میدان اچ اساں پراعتماد کھڑے ہیں، اپوزیشن دی پاک فوج دے خلاف مہم چنتے آلی اے، اساں کئی واری چتائے جو سیاست کوں ایویں گندا نہ کیتا ونڄے، مولانا فضل الرحمن دے کل دے انٹرویو توں اے راند ولا رسائی ڳئی اے جو اے اصلاحات اوہے ہین ڄیڑھیاں نواز شریف اقتدار ملݨ تے کریندے ہن، کل دا سوال جوڑ تے ݙیکھو تاں فوج کوں کنٹرول کرم دا ایجنڈا فضل الرحمان ݙیندے پئے ہن، میمو گیٹ سکینݙل تے وی اینڄھی مہم چلی ہئی، فوج کوں قابو کرݨ دے انہاں دے خواب دی عکاسی ڈان لیکس اتے میمو گیٹ دے کلپس نال تھیندی اے، ایندا وی انکشاف تھیا ہا جو شریف خاندان بھارت نواز ہا جئیں بھارت کوں ہک پیشکش وی کیتی ہئی، بھارتی وزیراعظم، تاجراں نال میل ملاقاتاں، حریت رہنماواں نال نہ ملݨ اتے کلبوشن دا ناں نہ ڳھنݨ ثبوت ہین جو ملک کون فیدہ تھیوے نہ تھیوے شریف ٹٻر کوں ملݨا چاہیدے، مریم نواز وی فوج تے کتنے حملے کیتن۔ وزیراعظم دی یورپی یونین تے تنقید تے انہاں کوں پیڑاں لڳ ڳین، انہاں کوں آزاد خارجہ پالیسی تے تکلیف اے، اساں واضح کروں جو اپݨی خارجہ پالیسی اپݨے مفادات دے تابع رکھݨی اے، اساں غیرت ویچ تے وپار نسے کریندے، اڄ پورا پاکستان وزیراعظم پاکستان دے پیچھو کھڑے۔ کھل ٻٹ آلا اینڄھا لانگ مارچ کرݨ تے بلاول دے مشکور ہیں جو عوام کوں تفریح تاں ملی اے۔ انہاں آکھیے جو عدم اعتماد تے قانونی آپشن واضح اے جو سپیکر کوں اختیار اے جو او پارٹی مینڈیت توں پھرݨ آلے ارکان دا ووٹ نہ منن جیندا آرٹیکل 63 واضح کریندے، ساکوں ایں ویلھے 179 ارکان دی حمایت اے، ٻئے ارکان دی وی حمایت مل ویسی، اپوزیشن 172 ارکان پورے کریسی۔
اپوزیشن پاک فوج دے خلاف مہم چلیندی پئی اے، فضل الرحمان، نواز شریف، آصف زرداری افواج پاکستان کوں ہتھ اچ کرݨ چاہندن، وفاقی وزیر اطلاعات و نشریات چوہدری فواد حسین دی پریس کانفرنس
مضمون کا ماخذ : خون چوسنے والے II
متعلقہ مضامین
