اسلام آباد۔11فروری (اے پی پی):وفاقی وزیر خزانہ شوکت ترین آکھیے جو ملکی برآمادات اچ ودھارا تھیندا پئے ، ترسیلات زر ودھدیاں پئن ، جنوری اچ تجارتی خسارے اچ 1.5 ارب ڈالر دی کمی تھئی اے ، فروری اتے مارچ اچ مزید گھٹ تھی ویسی ، جمعے کوں سینیٹ اجلاس اچ سوالاں دے وقفے ویلھے رخسانہ زبیری، جام مہتاب، افنان اللہ اتے مشتاق احمد دے سوالاں دے ولدے اچ انہاں آکھیے جو دنیا اچ شرح سود ودھدی پئی اے ، دوست ملکاں توں جیڑھا قرضہ ڳھدا ڳئے او آئی ایم ایف اتے ٻئے اداریں دی شرح سود دی نسبت گھٹ اے ، انہاں آکھیے جو برآمدات اتے ترسیلات زر اچ ودھارے تے سٹیٹ بنک دے زرمبادلہ دے ذخیرے ودھݨ توں امید اے جو دوست ملکاں کیتے ڳھدے ونڄݨ آلے قرضے اچ توسیع نہ کرݨی پوسی ، انہاں آکھیے جو دنیا اچ پٹرولیم مصنوعات، خوردنی تیل، کولے تے سٹیل دیاں قیمتاں اچ ودھارا تھئے ، ݙو ارب ڈالر دی ویکسین درآمد کیتی ڳئی اے ، کݨک تے کھنڈ وی درآمد کیتی ڳئی ، روپے دی قدر اچ ستحکام آئے ، سعودی عرب توں موخر ادائیگی دی سہولت حالی تئیں اساں استعمال نی کیتی آندے مہینے ایندا استعمال شروع تھیسی ۔ انہاں آکھیے جو پاکستان ایف اے ٹی ایف دیاں 28 اچوں 27 اہداف مکمل کر ڳھدن، صرف ھک شرط دی وجہ اساکوں نشانہ بݨایا ویندا پئے تے اساں تے دٻاؤ پاتا ویندا پئے ۔
برآمدات ودھدیاں پئن ، ترسیلات زر وی ودھ ڳن ، تجارتی خسارے اچ 1.5 ارب ڈالر دی گھٹکی تھئی اے، وفاقی وزیر خزانہ شوکت ترین
مضمون کا ماخذ : پاور بال آن لائن خریداری
متعلقہ مضامین
