اسلام آباد۔26جنوری (اے پی پی):وفاقی وزیرخزانہ ومحصولات شوکت ترین وزارت قومی غذائی تحفظ وتحقیق کوں ملک اچ کݨک دے اسٹریٹجک ذخائر کوں بہترین طریقے نال برقرار رکھݨ کیتے حکمت عملی مرتب کرݨ دی ہدایت کریندے ہوئیں آکھیے جو ضروری چیزاں دیاں قیمتاں کوں قابو اچ رکھݨ دیاں کوششاں تے ملک اچ ضروری چیزاں دی ہموار فراہمی کوں یقینی بݨاوݨ کیتے اقدامات جاری رکھئے ونڄن ، وزیر خزانہ ملک اچ دالاں دی خوردہ اتے ہول سیل قیمتاں اچ فرق تے تشویش دا اظہار کیتے اتے وزارت قومی غذائی تحفظ وتحقیق کوں استحصال کرݨ آلے عناصر دے خلاف تحقیقات اتے مناسب کارروائی دی ہدایت کیتی اے تاں جو درآمدی دالاں دیاں قیمتاں اچ استحکام برقرار رکھیا ونڄ سڳے ، انہاں اے ہدایات اتھاں ٻدھ کوں نیشنل پرائس مانیٹرنگ کمیٹی دے اجلاس دی صدار ت کریندے ہوئیں آکھئن ،وزیر اعظم دے مشیر تجارت و سرمایہ کاری عبدالرزاق داؤد، سیکرٹری صنعت و پیداوار، سیکرٹری وزارت قومی غذائی تحفظ وتحقیق، صوبائی چیف سیکرٹریز، اقتصادی مشیر وزارت خزانہ، ممبر پی بی ایس، ایم ڈی یوٹیلیٹی سٹورز کارپوریشن، چیئرپرسن مسابقتی کمیشن، چیئرمین ٹریڈنگ کارپوریشن آف پاکستان ، ممبر کسٹمز ایف بی آر تے ٻئے سینئر افسران اجلاس اچ شرکت کیتی ۔
وزیرخزانہ شوکت ترین دی زیر صدار ت نیشنل پرائس مانیٹرنگ کمیٹی دااجلاس
مضمون کا ماخذ : لاٹری کے اعدادوشمار
متعلقہ مضامین
