لاہور۔31دسمبر (اے پی پی)وفاقی وزیر اطلاعات و نشریات فواد چودھری آکھیے ڄݙاں اپوزیشن میدان اچ آئی ول ڳالھ کریسوں، ہݨ ملک اچ لمبیاں لمبیاں حکومتی واریاں دا دور لڳا ڳئے، عمران خان وزیراعظم نہ ہوندے تاں پاکستان ݙیوالہ تھی ڳیا ہوندا۔ لاہور آباد اچ پریس کانفرنس کریندے انہاں آکھیا جو صرف درآمدی اشیا تے ٹیکس لایا گئے، اپوزیشن اتنی مایوس تھی چکی اے جو ضمنی بجٹ پیش تھیوݨ اتے منظور تھیوݨ ویلھے ایوان اچ وی نئیں آئی، خواجہ آصف آپ وزیر ہوندے وی اقامے تے ڳزارا کریندے رہین، او ساکوں نہ متوں ݙیون، حکومت عوام کوں سوکھ ݙیوݨ کیتے ودھ کم کریندی پئی اے، شئیں سستیاں تھیوݨ لڳ ڳین، راشن پروگرام وی تیکھے شروع تھی ویسی، فلم انڈسٹری بحال کرݨ کیتے ودھ اقدامات کیتن، آصف زرداری لاہور ونڄن، 10 مرلے دے گھر اچ انہاں دا چنڳاں جلسہ تھی ویسی۔ فواد چوہدری آکھیا جو صحت کارڈ ملݨ تے عوام کوں مبارک ݙینداں صرف کلہا صوبہ سندھ اے ڄیڑھا صحت کارڈ توں محروم رہ ڳئے، امید اے وزیر اعلیٰ سندھ اتے پیپلزپارٹی اپݨے لوکاں کوں محروم رکھݨ دے ہٹھ توں پچھو ہٹ ویسن۔ انہاں آکھیا جو اساں چاہندے ہیں جو پیپلزپارٹی اتے ن لیگ قومی سیاست کرن، اپوزیشن آلے ٻھڄیے ہوئن، ڳالھ تاں انہاں نال تھیندی اے ڄیڑھے میدان اچ ہوندن، جھیڑلے میدان اچ آسن تاں ول ݙیکھسوں۔ انہاں آکھیا جو معیشت اچ نچڳائی تیکھے ݙسݨ پئے ویسی، ساݙا مطالبہ اے جو شہبازشریف دے کیس روزانہ دی بنیاد تے چلن۔
عمران خان وزیراعظم نہ ہوندے تاں پاکستان ݙیوالہ تھی ڳیا ہوندا، اپوزیشن ٻھڄی ہوئی اے ڄݙاں میدان آئی تاں ول ݙیکھسوں، وفاقی وزیر اطلاعات و نشریات فواد چودھری دی پریس کانفرنس
مضمون کا ماخذ : آن لائن لاٹری ٹکٹ
متعلقہ مضامین
