اسلام آباد۔19اکتوبر (اے پی پی):وفاقی وزیر مذہبی امور پیر نور الحق قادری آکھیے جو حضور اکرم ﷺ دے اخلاق حسنہ عدل، مساوات اتے کردار دی بلندی تے عمل کرݨا چاہیدے ، اساکوں دنیا و آخرت سنوارݨ کیتے حضور اکرم ﷺ دے اخلاق حسنہ تے عمل کرݨا چاہیدے ، نماز مومن دی معراج اے، اڄ دے ݙینھ اساں حضور ﷺ دے نال وفا دے عہد دی تجدید کریندوں ، انسانی تاریخ اچ ساریں توں مبارک ݙینھ 12 ربیع الاول دا ݙینھ اے ۔ اے ڳال انہاں منڳل کوں اتھاں قومی رحمت للعالمینﷺ کانفرنس توں خطاب کریندے ہوئیں آکھی اے ۔ وفاقی وزیر آکھیے جو قومی رحمت للعالمین کانفرنس دے انعقاد تے مبارخ پیش کرینداں ، جنہاں لوکاں ایں حوالے توں کوشش کیتی اللہ تعالیٰ انہاں دیاں کوششاں کوں قبول کرے۔ انہاں آکھیے جو 12 ربیع الاول دا ݙینھ انسانی تاریخ دا ساریں توں مبارخ اے، نبی کریمﷺ دی ولادت دے بعد دنیا کتھاں توں کتھاں پڄ ڳئی اے ، کئی انقلابات، تغیرات اتے سائنس و ٹیکنالوجی عروج تے پڄ ڳئی اے لیکن اڄ دی شام اساں ایں ہستی دے ناں تے منیندے پئن جیڑھی جو حضرت آمنہ اتے حضرت عبداللہ دے گھر اڄ دی سویل تشریف گھن آئے ہن، مبارک لمحہ اتے انوار کوں نہ بھلسوں اتے نہ ہی انسانیت بھل سڳدی اے ، 12 ربیع الاول دا ݙینھ ساریں توں معتبر ݙینھ اے ، اساݙے نبی ﷺ اللہ دے رسول ہن تے سارے رسولاں تے انساناں اچ افضل ہن ۔ انہاں آکھیے جواڄ اساں اے عہد اتے تجدید کریندوں جنہاں بارے علامہ اقبال فرمایا ہئی جو ”کی محمد سے وفا تو نے تو ہم تیرے ہیں، یہ جہاں چیز ہے کیا لوح قلم تیرے ہیں”۔ انہاں آکھیے جو نماز مومن دی معراج اے لیکن نماز دا حکم 40 سال بعد آیا ہئی، حضور اکرمﷺ دی صداقت، امانت اتے دیانت بچپن توں ہی مشہور ہئی۔ انہاں آکھیے جو حضور اکرم ﷺ دے اخلاق حسنہ، عدل، مساوات اتے کردار دی بلندی تے عمل کرݨ دی لوڑھ اے ، اساکوں دنیا و آخرت سنوارݨ کیتے حضور اکرم ﷺ دے اخلاق حسنہ تے وی عمل کرݨ دی لوڑھ اے ،وزیراعظم عمران خان دی طرفوں رحمت للعالمین اتھارٹی دا قیام ھک احسن اقدام اے۔
اساکوں دنیا و آخرت سنوارݨ کیتے حضور اکرم ﷺ دے اخلاق حسنہ تے عمل کرݨا چاہیدے ، وفاقی وزیر مذہبی امور پیر نور الحق قادری دا قومی رحمت للعالمینﷺ کانفرنس توں خطاب
مضمون کا ماخذ : پاور بال آن لائن خریداری
متعلقہ مضامین
