اسلام آباد۔9اکتوبر (اے پی پی) وزیر اعظم عمران خان شہریاں دی شکایتاں دے ازالے کیتے وݙا فیصلہ کیتے، وزیرعظم 2549 اداریاں دے جزوی طور تے حل تھئی شکایتاں کوں ولا کھولݨ دا حکم ݙتے۔ پرائم منسٹر ڈیلیوری یونٹ (پی ایم ڈی یو) ولوں ہفتے کوں جاری تفصیل موجب ایں بارے 83 ہزار 741 شکیاتاں کوں ولا کھول تے مجاز افسراں کوں ضروری کاروائی کیتے بھیجی ویسن۔ ساری شکایتاں اچ شہریاں کوں جزوی ریلیف ݙیوݨ دا عندیہ ݙتا ڳیا ہئی۔ پی ایم ڈی یو آکھیا جو 773 وفاقی اداریاں دی 43 ہزار 351 شکایاتاں کھولی ویسن جڈانجو صوبائی حکومتاں دے 2450 اداریاں دی 40 ہزار 415 شکایتاں ولا کھولی ویسن۔
مضمون کا ماخذ : سشی ایکسپریس
